Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Tanınmış sənətkar, Xalq artisti Zaur Razyev 24 avqust 2024-cü il tarixində ictimai-siyasi xadim, akademik, 23 saylı Nəsimi-Səbail Seçki Dairəsindən deputatlığa namizəd Ziyad Səmədzadənin Bakı şəhərinin Nizami küçəsi ilə Fikrət Əmirov küçəsinin kəsişməsində yerləşən Seçki Qərargahına baş çəkib.
Etikxeber.az xəbər verir ki, bir saata yaxın çəkən ziyarət zamanı Xalq artisti deputatlığa namizəd Ziyad Səmədzadə ilə görüşüb, söhbətləşib.
Seçkilərdə Ziyad Səmədzadəyə uğurlar arzulayıb və öz xeyir-duasını verib.
“Bu kişi gözünü açıb, canını qoyub bu xalq, bu dövlət üçün. Bu kişi hörmət-izzət sahibidir, ağsaqqaldır, dünyada tanınmış alimdir, görkəmli elm xadimidir, böyük ziyalıdır. Başqası gedib parlamentdə neyləyəcək ki?!…Parlament belə kişilərin, Ziyad Səmədzadə kimi ziyalıların, tanınmış ictimai-siyasi xadimlərin yeridir. Parlamentdə məhz belə insanlara, onların bilik və təcrübəsinə ehtiyac var. Ziyad müəllimi hər kəs sevir-xalqımız da, dövlətimiz də, sıravi insanlarımız da. Hər birimizi onu sevirik və çox istəyirik. Odur ki, seçkilərdə Ziyad müəllimə növbəti uğurlar və Qələbə arzulayıram”-deyə, Xalq artisti sözlərinə əlavə edib.
***
FOTOLAR:
Kamil HƏMZƏOĞLU (HƏMİDOV)
Etikxeber.az
