“Bu zərbələr 2187 mariupollunun həyatına son qoyub”-VADİM BOYÇENKO

Rusiya silahlı qüvvələri Mariupola 100 aviabomba atıb, nəticədə 2187 nəfər həlak olub.

Etikxeber.az UNİAN-a istinadla xəbər verir ki, bunu Ukraynanın Mariupol şəhərinin meri Vadim Boyçenko bildirib.

Qeyd edib ki, şəhər hər gün aviazərbələrə məruz qalır.

Onun sözlərinə görə, son sutkada azı 24 bombardman həyata keçirilib. Artıq Mariupola yüzdən çox bomba atılıb.

“Bu zərbələr 2187 mariupollunun həyatına son qoyub”-deyən mer vurğulayıb ki, 400 min sakinin həyatı təhlükə altındadır.

“Vəziyyətdən çıxış yolu Ukraynanın hava məkanını bağlamaq və ya ölkəyə daha səmərəli HHM sistemləri verməkdir”-deyə, o, əlavə edib.

Etikxeber.az