Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Əgər biz borclanmanın həddini, Dövlət Neft Fondundan (ARDNF) götürülən borcların hədlərini müəyyən ediriksə, bunun özü nailiyyətdir, iqtisadi inkişafımızın göstəricisidir.
Etikxeber.az xəbər verir ki, bunu parlamentdə çıxışı zamanı millət vəkili Ziyad Səmədzadə “Büdcə sistemi haqqında” və “Dövlət borcu haqqında” qanunlara təklif olunan dəyişikliklərə münasibətini bildirərkən deyib.
Qeyd edib ki, bu gün dünyanın əksər ölkələri borclanmaya gedirlər.
Onun sözlərinə görə, hətta elə inkişaf etmiş ölkələr var ki, bizdən daha çox borclanıblar.
“Ancaq biz indi dövlət borcunun, Dövlət Neft Fondundan götürülən borcların hədlərini müəyyən ediriksə, bunun özü uğurdur, nailiyyətdir. Biz 10 il bundan əvvəl bu haqda danışa bilməzdik. Ancaq biz indi iqtisadi inkişafın elə bir mərhələsindəyik ki, bu barədə danışır, borclanmanın hədlərini müəyyənləşdiririk. Bu gün işğaldan azad olunmuş ərazilərimizdə böyük quruculuq, bərpa işləri gedir. Ancaq biz heç bir dövlətdən buna görə borc almırıq, borca getmirik. Bu, bizim inkişafımızın göstəricisi deməkdir. Bununla belə, şəxsən mənim də mövqeyim, deputat həmkarlarımın da fikri belədir ki, bir müddətdən sonra “Büdcə sistemi haqqında” yeni qanun layihəsi müzakirəyə çıxarılmalı və qəbul olunmalıdır. Yeni bir qanunvericilik aktına ehtiyac var”-deyə, Z. Səmədzadə sözlərinə əlavə edib.
Kamil HƏMZƏOĞLU (HƏMİDOV)
Etikxeber.az
