Cəmi 19 yaşlı Antiterror Şəhidi, Goranboylu, Qızılhacılılı-HÜSEYN NƏSİBOV…ANIM GÜNÜNDƏ MƏZARI ZİYARƏT OLUNDU, MƏCLİS DÜZƏNLƏNDİ, VƏTƏN NAMİNƏ FƏDAKARLIĞINDAN SÖZ AÇILDI… – FOTOLAR – YENİLƏNİB – (1)

Sentyabr 19, 2024

DÜNYA

3 minute read

Goranboy rayonunun Qızılhacılı qəsəbəsinin iki Antiterror Şəhidindən, eləcə də evin-ailənin üç övladından, iki qardaşdan biri, subay, Azərbaycan Ordusunun Əsgəri, cəmi 19 yaşlı Hüseyn Əfqan oğlu Nəsibovun Anım Günündə Qızılhacılı qəsəbə (Balakürd) qəbiristanlığındakı Şəhidlər Xiyabanında məzarı ziyarət olunub.

Bu gün-19 sentyabr 2024-cü il tarixində, səhər saatlarında başlayan ziyarət zamanı Şəhidin məzarı üzərinə gül dəstələri düzülüb, əklil qoyulub.

Ruhuna dualar olunub, “Quran” oxunub, qısa çıxışlar edilib.

Şəhidin keçdiyi 19 illik qısa, lakin şərəfli həyat və döyüş yolundan bəhs olunub, tarixi 23 saatlıq lokal xarakterli Antiterror əməliyyatından danışılıb, ailəsinə Allahdan səbr və dözüm arzulanıb.

Məktəblilər tərəfindən şeirlər səsləndirilib.

Antiterror Şəhidləri-Mikayıl Həmidli, Hüseyn Nəsibov, Şəhriyar Əliyev…SABAH ANIM GÜNLƏRİDİR…

Şəhidin məzarını ziyarətdən sonra ailəsinin yaşadığı evdə-ocaqda Anım mərasimi düzənlənib, adına ehsan süfrəsi açılıb.

Şəhidlərimizin xatirəsi bir dəqiqəlik sükutla yad olunub, Dövlət himni səsləndirilib.

Tanınmış telejurnalist Səbinə Mehdiyevanın aparıcılıq etdiyi məclisdə yenidən çıxışlar olunub, Şəhidlərə, Vətənə aid musiqilər səsləndirilib, şeirlər ifa edilib.

Kövrək, təsirli, duyğulu anlar yaşanıb.

Çıxşılarda Şəhidin Vətən, Torpaq sevgisindən, Vətənpərvərliyindən, İgidliyi və Qəhrəmanlığından söz açılıb.

Cəmi Şəhidlərimizlə, eləcə də Hüseyn Nəsibovla Fəxr edildiyi, Qürur duyulduğu bildirilib.

Həmçinin, bir ömür boyu Şəhidlərimizə borclu olduğumuz, onları unutmağa haqqımız çatmadığı vurğulanıb.

Şəhidin valideynləri də öz növbəsində ziyarət və məclis iştirakçılarına minnətdarlıqlarını bildirib, belə bir gündə onları tək buraxmadıqları üçün hər kəsə təşəkkürlərini ifadə ediblər.

Ziyarət və mərasim zamanı xatirə fotoları çəkdirilib.

Şəhidin məzarını ziyarətdə və Anım mərasimində ailə üzvləri, doğmaları, İcra başçısı Məhərrəm Quliyev başda olmaqla, Goranboy rayon İcra Hakimiyyətinin rəhbər və məsul şəxsləri, Goranboy, Naftalan, Bakı, Salyan, Şəmkir, Bərdə, Qobustan, Sabirabad, Mingəçevir, Füzuli və digər bölgələrdən olan Şəhid ailələri, hərbçilər, Qazilər, din xadimləri, yerli ziyalılar, məktəblilər iştirak ediblər.

Nur içində yatsın!

13:18

***

FOTOLAR: