Cənnətdəki beşinci doğum günü, 32 yaşı tamam olan-MİNGƏÇEVİRLİ ŞƏHİD QARDAŞLARDAN ƏLİ ƏHMƏDOVUN MƏZARI ZİYARƏT OLUNDU, MƏCLİS DÜZƏNLƏNDİ… – FOTOLAR – YENİLƏNİB – (1)

Mingəçevirli İkinci Vətən Müharibəsi Şəhidlərindən-Şəhid qardaşlardan biri olan Əli İlqar oğlu Əhmədovun Cənnətdəki beşinci doğum günündə, 32 yaşının tamamında-5 yanvar 2025-ci il tarixində Əbədiyyətə uğurlandığı Mingəçevir Şəhidlər Xiyabanındakı məzarı ziyarət olunub.

Məzarı üzərinə gül dəstələri düzülüb.

Ruhuna dualar edilib, “Quran” oxunub.

Etikxeber.az xəbər verir ki, 1993-cü il 1 yanvar təvəllüdlü Şəhidin məzarını ziyarətdən sonra “Günəşli” yaşayış massivində-anası Sevinc Əhmədovanın yaşadığı evdə Cənnətdəki beşinci doğum günü ilə bağlı məclis düzənlənib, adına ehsan süfrəsi açılıb.

Bir daha ruhuna dualar edilib.

Anası Sevinc Əhmədovaya Allahdan səbr və dözüm arzulanıb.

Cənnətdəki beşinci doğum günü təbrik olunub.

Sonda adına hazırlanmış tort kəsilib, xatirə fotoları çəkdirilib.

Qeyd edək ki, Şəhidin məzarını ziyarətdə və Cənnətdəki beşinci doğum günü ilə bağlı məclisdə anası, yaxınları, Mingəçevir və Bərdəli Şəhid ailələri, Qazilər, din xadimləri və digər şəxslər iştirak ediblər.

Sabah Cənnətdəki beşinci doğum günləri olan İkinci Vətən Müharibəsi Şəhidləri-MİNGƏÇEVİRLİ ƏLİ ƏHMƏDOV, GORANBOYLU ARİF SÜLEYMANOV…

***

FOTOLAR:

***

Kamil HƏMZƏOĞLU (HƏMİDOV)

Etikxeber.az