Cənnətdəki dördüncü doğum günü, 29 yaşı tamam olan-TƏRTƏRLİ İKİNCİ VƏTƏN MÜHARİBƏSİ ŞƏHİDİ RƏŞAD MİRZƏLİNİN MƏZARI ZİYARƏT OLUNDU, MƏCLİS DÜZƏNLƏNDİ… – FOTOLAR – YENİLƏNİB – (1)

Tərtər rayonunun Hacıqərvənd kəndinin İkinci Vətən Müharibəsi Şəhidi-ailənin iki oğlan övladından biri, subay, peşəkar hərbçi, Gizir, üç medallı Rəşad Hafis oğlu Mirzəlinin Cənnətdəki dördüncü doğum günü, 29 yaşının tamam olması ilə bağlı bu gün səhər saatlarında Hacıqərvənd kənd qəbiristanlığındakı məzarı ziyarət olunub.

Etikxeber.az xəbər verir ki, 1995-ci ilin 26 may tarixində dünyaya gələn və 2020-ci ilin 2 oktyabr tarixində Əbədiyyətə uğurlanan Şəhidin məzarı üzərinə gül dəstələri düzülüb.

Ruhuna dualar olunub, “Quran” oxunub, məzarı başında qısa çıxışlar edilib.

Ailəsinə Allahdan səbr və dözüm arzulanıb, Cənnətdəki dördüncü doğum günü təbrik olunub.

Məzarını ziyarətdən sonra Şəhidin ailəsinin yaşadığı evdə məclis düzənlənib, adına ehsan süfrəsi təşkil olunub, bir daha ruhuna dualar edilib.

Talış kənd tam orta məktəbinin şagirdləri tərəfindən Şəhidlərə, Vətənə həsr olunmuş şeirlər və mahnılar səsləndirilib.

Bu zaman kövrək, təsirli anlar yaşanıb, məclis iştirakçıları, Şəhid ailələri göz yaşlarını saxlaya bilməyiblər.

Eyni zamanda, Şəhidlə bağlı hazırlanmış video-çarx nümayiş etdirilib.

Şəhidin məzarını ziyarətdə və Cənnətdəki dördüncü doğum günü ilə bağlı məclisdə ailə üzvləri, Tərtər, Biləsuvar Kürdəmirdən olan Şəhid ailələri, Qazilər, hərbçilər, din xadimləri, müəllimlər və məktəblilər iştirak ediblər.

12:55

***

FOTOLAR:

15:55

***

Kamil HƏMZƏOĞLU (HƏMİDOV)

Etikxeber.az

Read Previous

Bəzi açıq sahələrdə Kür məcradan çıxıb, yaşayış məntəqələrinə təhlükə qeydə alınmayıb-FHN

Read Next

Ağdaşlı, cəmi 18 yaşlı İkinci Vətən Müharibəsi Şəhidi Yusif Nəbiyev-YAŞASAYDI, BU GÜN 22 YAŞI TAMAM OLACAQDI…

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir