“Cəmi 65 min manatımız var və bundan artıq borc qaytara bilməyəcəyik” – FUTBOLÇUNUN OĞLU

Bu gün Bakı Ağır Cinayətlər Məhkəməsində dələduzluqda təqsirləndirilən keçmiş futbolçu Maşallah Əhmədovun cinayət işi üzrə məhkəmə prosesi davam etdirilib. 

Etikxeber.az-ın məlumatına görə, hakim Mirzə Xankişiyevin sədrlik etdiyi prosesdə çıxış üçün M. Əhmədova söz verilib. O, yenidən son söz deməkdən imtina edib. Qeyd edib ki, söz verdiyi kimi, zərərçəkmişə 50 min manat yox, 45 min manat pul təklif edib: “Ancaq zərərçəkmiş bu pulu qəbul etmədi. Dedim ki, əlavə 5 min manat da verəcəm. Bu pulu mən dostdan, tanışdan almışam”.

M. Əhmədov son söz demək üçün məhkəmədən yanvarın 30-dək vaxt istəyib.

M. Əhmədovun oğlu Tərlan Əhmədov yalnız 65 min manat pulları olduğunu və bundn artıq borc qaytara bilməyəcəklərini deyib.
Zərərçəkmiş Yusif Əzizov isə 128 min manat borcu tələb edib və bu məbləğ tam ödənilməyincə şikayətini geri götürməyəcəyini deyib: “Ya pulumu versin, ya da Maşallah Əhmədov cəzasını çəksin”.

Hakim sonuncu dəfə M. Əhmədova vaxt verib.

Proses yanvarın 30-da davam etdiriləcək.

 
Qeyd edək ki, M. Əhmədov 2015-ci ilin dekabrında saxlanılıb. Bizneslə məşğul olan “Neftçi”nin keçmiş futbolçusu Bakıda bir neçə nəfərə 178 min manat dəyərin xaricdən daş plitə gətirəcəyini vəd edib. Lakin o, sözünə əməl etməyib və həmin şəxslərin pulunu da qaytarmayıb. M. Əhmədov barəsində həbs qətimkan tədbiri seçilsə də, sonradan bu qərar ev dustaqlığı ilə əvəzlənib.

Etikxeber.az

Read Previous

“İlk peşə-ixtisas təhsili haqqında” qanun layihəsi üzrə İşçi Qrupu yaradıldı

Read Next

“Futboldan daha çox əlbəyaxa döyüş idman növləri ilə məşğul olanlara ehtiyac var” – ADİL ƏLİYEV

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir