Çingiz Hüseynzadə: “Karate növündə də lisenziya qazanacağımıza ümid edirik”

“Azərbaycan idmançıları Olimpiya Oyunlarında böyük qələbələr qazanıblar. Rio-de-Janeyroda keçirilən XXXI Yay Olimpiya Oyunlarında 56 idmançı ilə iştirak edən Azərbaycan yığması 1-i qızıl, 7-si gümüş, 10-u bürünc olmaqla 18 medal qazanaraq Vətənə rekord nəticə ilə qayıdıb. Bundan əlavə, 10 idmançımız beşinci yeri tutub. Finala yüksələn atletlərimizin hər biri çempion ola bilərdi. Olimpiadada 5-8-ci yerləri tutan idmançılara Beynəlxalq Olimpiya Komitəsi tərəfindən xüsusi nişan və diplomlar verilib. Ümumiyyətlə, ölkəmiz “Atlanta-1996”dan başlayaraq Olimpiya Oyunlarına daha çox idmançı ilə qatılır və böyük uğurlar əldə edirlər”.

Etikxeber.az AZƏRTAC-a istinadən xəbər verir ki, bu sözləri Milli Olimpiya Komitəsinin (MOK) vitse-prezidenti Çingiz Hüseynzadə sentyabrın 6-da keçirdiyi mətbuat konfransında deyib.

Ç.Hüseynzadə sentyabrın 7-də Rio-de-Janeyroda start götürəcək XV Yay Paralimpiya Oyunlarında da idmançılarımızın yaxşı nəticələr əldə edəcəklərinə inandığını deyib.

Son illər respublikamızda çoxlu sayda mötəbər idman tədbirlərinin keçirildiyini vurğulayan MOK-un vitse-prezidenti bildirib ki, bu baxımdan Azərbaycan dünyada idman ölkəsi kimi tanınır: “Ölkəmiz idman sahəsində çox yüksək nəticələr əldə edib. Hazırda Bakıda 42-ci Ümumdünya Şahmat Olimpiadası keçirilir. Azərbaycanda idmanın bu növünə böyük diqqət yetirilir. Bu il Bakıda Formula-1 Avropa Qran-prisi yüksək səviyyədə təşkil olundu. Ötən il Azərbaycan birinci Avropa Oyunlarına uğurla ev sahibliyi etdi. Gələn il Bakıda IV İslam Həmrəyliyi Oyunları keçiriləcək”.

O, həmçinin deyib ki, Olimpiya Oyunlarının proqramına yeni daxil edilən karate növündə də lisenziya qazanacağımıza ümid edir. “İstərdik ki, növbəti Olimpiadada komanda idman növlərində də iştirak edək. Burada qadın voleybolu bizim üçün daha xarakterikdir” – deyə, Ç.Hüseynzadə daha sonra vurğulayıb.

Etikxeber.az

Read Previous

Tanınmış jurnalist prezidentə müraciət etməyə hazırlaşır: “Dollar kreditinin qurbanı olmuşam”

Read Next

Şahbazovla Əliyev geri çağırıldı

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir