Daha bir akademikimizi itirdik…

Azərbaycanda fizika sahəsində mühüm xidmətləri olan görkəmli alim, “Şöhrət” ordenli, AMEA-nın həqiqi üzvü Maqsud Əliyev dekabrın 23-də 92 yaşında vəfat edib.

Bu barədə Etikxeber.az-a Azərbaycan Milli Elmlər Akademiyasından (AMEA) məlumat verilib.

M. Əliyev 1924-cü il avqustun 27-də Tiflis şəhərində anadan olub. O 1941-1943-cü illərdə Tiflis Dövlət Universiteti fizika-riyaziyyat fakültəsinin tələbəsi olub, lakin 1943-cü ildə təhsilini yarımçıq qoyaraq, cəbhəyə yola düşüb.

Akademik 1950-ci ildə Azərbaycan Dövlət Universitetinin fizika-riyaziyyat fakültəsini bitirib. M. Əliyev 1957-ci ildə fizika üzrə fəlsəfə dok­toru və 1966-cı ildə fizika üzrə elmlər doktoru elmi dərəcələrini, 1967-ci ildə pro­fessor elmi adını alıb. Onun yüksək ixtisaslı elmi kadrların hazırlanmasında alimin böyük xidmətləri olub. O, yarımkeçiricilər fizikası və onun tədris metodikası sahəsində 35 fəlsəfə doktoru, 7 elmlər doktoru yetişdirib.

M. Əliyev yarımkeçiricilər fizikası sahəsindəki və elmi kadrların hazırlanmasındakı böyük xidmətlərinə görə 1969-cu ildə fizika ixtisası üzrə Azərbaycan Elmlər Akademiyasının müxbir üzvü, 1980-ci ildə isə həqiqi üzvü seçilib.

Görkəmli alimlə vida mərasimi dekabrın 26-da saat 13.00-da AMEA-nın Əsas binasının Dairəvi akt zalında keçiriləcək.

Allah rəhmət eləsin!

Etikxeber.az

Read Previous

Statistika Komitəsi: Dəmir yolu ilə sərnişin daşınmasında 1,3 faiz artım olub

Read Next

Hakimliyə namizədlərdən şifahi imtahanları keçən 126 nəfər tədris kurslarına buraxıldı

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir