Daha bir Birinci Qarabağ Savaşı Şəhidinin-Əsəddin Novruzovun nəşi-33 İLDƏN SONRA MİNGƏÇEVİRDƏ DƏFN OLUNDU… – FOTOLAR – YENİLƏNİB – (2)

Bu gün-27 may 2025-ci il tarixində daha bir itkin Şəhidimizin-Birinci Qarabağ Savaşı Şəhidinin-1939-cu il təvəllüdlü və ailəli Əsəddin Curu oğlu Novruzovun nəşinin qalıqları dəfn olunub.

Etikxeber.az xəbər verir ki, əslən Ağdamlı olan və 1992-ci ildən itkin düşən Birinci Qarabağ Savaşı Şəhidinin nəşinin qalıqları 33 ildən sonra Mingəçevir Şəhidlər Xiyabanında Əbədiyyətə uğurlanıb.

Günorta saatlarında başlayan dəfn mərasimində yüzlərlə şəhər sakini, Şəhid ailələri, Qazilər, din xadimləri, yerli ziyalılar, millət vəkili Aydın Mirzəzadə, Mingəçevir şəhər İcra Hakimiyyətinin və Ağdam rayon İcra Hakimiyyətinin məsul və rəhbər şəxsləri iştirak ediblər.

14:20

***

1 saata yaxın çəkən dəfn mərasimindən sonra “Qala” restoranında Şəhidin adına ehsan süfrəsi açılıb.

Ruhuna dualar edilib, “Quran” oxunub.

Ailəsinə, doğmalarına Allahdan səbr və dözüm arzulanıb.

Ruhu şad olsun!

Nur içində yatsın!

***

FOTOLAR:

16:00

***

Kamil HƏMZƏOĞLU (HƏMİDOV)

Etikxeber.az