Daha bir güləşçimiz qızıl medal qazandı – 31-ci dünya çempionatında

Sentyabrın 23-də güləş üzrə hərbçilərin 31-ci dünya çempionatının yunan-Roma növü üzrə keçirilən yarışlarda idmançılarımız güclərini sınayıblar.

Müdafiə Nazirliyinin mətbuat xidmətindən Etikxeber.az-a bildiriblər ki, finala vəsiqə qazanan hər iki təmsilçimiz – Həsən Əliyev (71 kq) və Kamran Məmmədov (66 kq) Rusiya idmançıları ilə qarşılaşıblar. Birinci yer uğrunda görüşdə Həsən Əliyev rəqibi Adam Kuraka qalib gələrək dünya çempionu adına layiq görülüb.

Finaldakı digər idmançımız K.Məmmədov rusiyalı Aleksey Kiyankin ilə qarşılaşıb. Gərgin keçən final görüşündə güləşçimiz rəqibinə məğlub olaraq gümüş medalla kifayətlənib.

Ölkəmizi 59 kiloqram çəki dərəcəsində təmsil edən Murad Məmmədov isə üçüncü yer uğrunda görüşdə Ukrayna nümayəndəsi Yevgeniy Myaqkiy ilə görüşərək rəqibinə qalib gəlib.

Digər təmsilçimiz Sənan Əlimirzəyev (75 kq) də almaniyalı rəqibi Yuretzko Adam üzərində inamlı qələbə qazanaraq bürünc medala layiq görülüb.

Etikxeber.az

Read Previous

“999-cu gecə” də olacaq

Read Next

Bəxtiyar Əliyev Astanada keçiriləcək Parlamentlərarası Forumda iştirak edəcək

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir