Daha heç kimin qəbrində “çəpərləmələr”, “hasarlamalar” olmayacaq – SİYAVUŞ NOVRUZOV

Hələ də bəzi yas mərasimlərində fərqli yeməklərin verilməsi halları qalıb.

Etikxeber.az-ın məlumatına görə, bunu Milli Məclisin (MM) İctimai birliklər və dini qurumlar komitəsinin sədri Siyavuş Novruzov deyib.

Onun sözlərinə görə, yas mərasimləri elə təşkil edilməlidir ki, bir-birindən fərqlənməsin:“Nümunəvi qəbiristanlıqların yaradılması ilə bağlı layihə hazırlanır. Layihənin qəbul edilməsindən sonra kimliyindən asılı olmayaraq, hər kəsin eyni səviyyədə və formada basdırılması təmin ediləcək. Daha heç kimin qəbrində qeyri-adilik olmayacaq, “çəpərləmələr”, “hasarlamalar” olmayacaq. Bütün bunlar dində buyurulmayıb”.

siyaqus

Komitə sədri qeyd edib ki, hələ də bəzi yas mərasimlərində fərqli yeməklərin verilməsi halları qalıb: “Cəmiyyəti inandırmalıyıq ki, bu kimi hallar İslamda yoxdur. Odur ki, mərasimlərin daha sadə keçirilməsini təmin etməliyik. Müasir dövrdə milli adət-ənənələr qanunlarla tənzimlənməlidir. Hər şey qəbul edilən qaydalar çərçivəsində olmalıdır”.

S.Novruzov həmçinin deyib ki, Azərbaycanda icmalara maşınların verilməsi də nümunəvi haldır. Komitə sədrinin dediyinə görə, Azərbaycanda dinin dövlətdən ayrı olmasına baxmayaraq, dövlətin dinə olan qayğısını mütəmadi müşahidə edirik: “Biz bu gün məscidlərin tikilib, yenidən təmir olunması və insanların istifadəsinə verilməsi, o cümlədən dini mərasimlərdə prezident İlham Əliyevin iştirakı və qeydiyyatdan keçmiş dini icmalara nəqliyyat vasitələrinin verilməsinin şahid oluruq. Maşınların verilməsində müəyyən çaşqınlıq yaranır. Söhbət fərdlərdən getmir, icmalardan gedir”.

S.Novruzov qeyd edib ki, icmalar nəqliyyat vasitələri ilə təmin olunurlar və bu proses başlayıb.

Kamil HƏMZƏOĞLU

Etikxeber.az

 

Read Previous

Millətlər Liqasının dördüncü turu: NƏTİCƏLƏR – FOTO

Read Next

“Həbib Axundova qarşı ifadə verməyə mənə təzyiq ediblər” – TƏQSİRLƏNDİRİLƏN ŞƏXS

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir