Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Bu gün daha iki İkinci Vətən Müharibəsi Şəhidinin anasına “Şəhid anası” medalı təqdim olunub.
Etikxeber.az xəbər verir ki, Ağdam rayonunun İkinci Vətən Müharibəsi Şəhidlərindən olan Elmir Süleyman oğlu Əliyevin anası Rusət Məmmədova və Səxavət Adıgözəl oğlu Məmmədovun anası Hicran Süleymanovaya “Vətən Naminə” Şəhid ailələrinə Dəstək İctimai Birliyinin təsis etdiyi “Şəhid anası” medalı və vəsiqəsi təqdim edilib.
Şəhid analarına medal və vəsiqələri jurnalist Kamil Həmzəoğlu (Həmidov) təqdim edib.
Şəhid anaları da öz növbəsində “Vətən Naminə” təşkilatına və təşkilatın rəhbəri, Qubalı Şəhid anası Tünzalə Abduləlimovaya minnətdarlıqlarını ifadə ediblər.
Qeyd edək ki, həm Elmir Əliyev, həm də Səxavət Məmmədov evin-ailənin 3 övladından biri, ailəli, iki övlad atası olub.
Elmir Əliyev Ağdam, Səxavət Məmmədov isə Ağdərə istiqamətində Şəhidlik məqamına ucalıb.
Hər ikisinin də nəşi Quzanlı qəsəbə Şəhidlər Xiyabanında dəfn olunub.
Kamil HƏMZƏOĞLU
Etikxeber.az