Deputatların, hakimlərin və Ombudsmanın maaşları artırılır – DƏYİŞİKLİK – YENİLƏNİB

Millət vəkillərinin, Ombudsmanın, Konstitusiya Məhkəməsi üzlərinin və hakimlərin əmək haqları 10 faiz artırılır.

Etikxeber.az-ın xəbərinə görə, bununla bağlı parlamentin bugünkü plenar iclasında 4 qanuna dəyişiklik edilməsi nəzərdə tutulur və artıq qanun layihələri də iclasın gündəliyinə daxil edilib.

Qeyd edək ki, dəyişiklik nəzərdə tutulan qanunlar bunlardır: “Deputatın statusu haqqında”, “Məhkəmələr və hakimlər haqqında”,  “Konstitusiya Məhkəməsi haqqında” və “Omdudsman haqqında”.

Onu da qeyd edək ki, qanun layihələri parlamentə ölkə Prezidenti İlham Əliyevin təqdimatı ilə daxil olub.

***

Ombudsmanın maaşı 2025-dən 2230-a qaldırılır. 

Kamil HƏMZƏOĞLU

Etikxeber.az