Doqquzuncu sinif şagirdləri üçün buraxılış imtahanının birinci mərhələsi başa çatıb – YENİLƏNİB

Martın 5-də Dövlət İmtahan Mərkəzi (DİM) Bakı və Sumqayıt şəhərlərinin, Abşeron, Xızı, Qobustan rayonlarının ümumtəhsil müəssisələrinin IX sinif şagirdləri üçün buraxılış imtahanının birinci mərhələsini keçirir.

Etikxeber.az xəbər verir ki, imtahan saat 11.00-da başlanıb.

Buraxılış imtahanının birinci mərhələsinin keçirilməsi üçün qeyd olunan şəhər və rayonlarda ümumilikdə 79 imtahan mərkəzi təşkil olunub.

İmtahana nəzarətçi‑müəllimlər nəzarət edirlər.

***

Dövlət İmtahan Mərkəzi (DİM) Bakı və Sumqayıt şəhərləri, Abşeron, Xızı, Qobustan rayonlarının ümumtəhsil müəssisələrinin IX sinif şagirdləri üçün buraxılış imtahanının birinci mərhələsini keçirib.

İmtahan saat 11.00-da başlanıb. İnşa (esse) yazan şagirdlər üçün imtahan saat 13.30-da, digər şagirdlər üçün isə saat 13.00-da başa çatıb.

 

Etikxeber.az