“Dünyanın hər bir yerində bunu bilirlər ki…” – ƏLİ ƏHMƏDOV

Azərbaycana qarşı ciddi kampaniya aparanlar müxtəlif bəhanələrdən istifadə edirlər. Qeyd edilən bəhanələrin sırasında dayananlardan biri idman yarışlarıdır:

Etikxeber.az-ın məlumatına görə, bunu Baş nazirin müavini Əli Əhmədov Britaniya Xarici İşlər Nazirliyinin Azərbaycana gələcək vətəndaşları üçün yaydığı tövsiyə xarakterli məlumatı şərh edərkən bildirib.

Onun sözlərinə görə, ölkəmizdə hər hansı tədbir keçirilməzdən əvvəl bəzi qüvvələr hərəkətə keçir:

“Bu, birinci dəfə deyil. Azərbaycanda heç də siyasi kampaniya xarakteri daşımayan çox müxtəlif mötəbər tədbirlər, “Avroviziya” və digər idman tədbirləri keçirilərkən, ölkəmizə qarşı fəaliyyət göstərən qüvvələr hərəkətə keçir və imicimizə kölgə salmağa çalışır.

Bu, ölkəmizin dünyada artan nüfuzunun, onun yerinin və əhəmiyyətinin bilavasitə nəticəsidir. Azərbaycanı sevməyən, bizə qarşı kampaniya aparan qüvvələr ölkəmizin nüfuzunun artmasından narahatlıq duyurlar və çirkin əməllərindən qalmırlar.

Təbii ki, burada erməni lobbisinin çirkli fəaliyyətini qeyd etmək lazımdır. Əlbəttə ki, onlar Azərbaycanın yüksələn nüfuzu qarşısında vahiməyə düşürlər və ölkəmizə qarşı çirkin kampaniyanı gücləndirirlər. Onlara dəstək verənlər də var. Bu, Azərbaycanın uğuruna, inkişafına müxtəlif tədbirlərin keçirilməsinə ev sahibliyi etməsinə əngəl olmayacaq. Ölkəmizdə keçirilən tədbirlər yüksək səviyyədə keçirildiyi kimi, mayın sonunda keçirilməsi planlaşdırılan idman tədbiri də yüksək səviyyədə olacaq”.

Baş nazirin müavini qeyd edib ki, Azərbaycan sabit və təhlükəsiz ölkədir:

alik ahmed

“Dünyanın hər bir yerində bunu bilirlər. Azərbaycana gələn qonaqlar idman yarışında iştirak etməklə yanaşı, Bakının gözəlliklərindən həzz ala biləcəklər. Bu tədbirə çox sayda insanların gəlməsi ilə ölkəmizə qarşı kampaniya aparanlara böyük zərbə vurulacaq”.

“Azərbaycan sabitliyi, əmin-amanlığı, inkişafı və təhlükəsizliyi ilə dünyada birmənalı şəkildə tanınır və  ölkəmizin keyfiyyətləri etiraf edilir. Heç bir qarayaxma kampaniyası bu keyfiyyətləri azalda bilməyəcək”, – deyə Əli Əhmədov qeyd edib.

Kamil HƏMZƏOĞLU

Etikxeber.az

Read Previous

Hərbi tibb sahəsində – YENİLİK

Read Next

“Tamamilə gülünc bir məsələdir…” – FUAD İSGƏNDƏROV

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir