Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
“Nə musiqi məktəbləri, nə də teatrlar bağlanmalıdır”.
“İqtisadiyyatın dağılmış sahəsini qısa zamanda bərpa etmək olar. Ancaq təhsil və mədəniyyətin dağılmasını bərpa etmək üçün uzun illər tələb olunur”.
Etikxeber.az xəbər verir ki, bunu Milli Məclisin (MM) Əmək və sosial siyasət, Səhiyyə, Ailə, qadın və uşaq məsələləri, Elm və təhsil, Mədəniyyət komitələrinin birgə iclasında 2017-ci il üzrə Azərbaycanın dövlət büdcəsi layihəsinin müzakirəsi zamanı Mədəniyyət komitəsinin sədri, akademik Rafael Hüseynov deyib.
Komitə sədri qeyd edib ki, digər ölkələrdə olduğu kimi Azərbaycanda da büdcə formalaşdırılarkən mədəniyyət sahəsinə ənənəvi yanaşma mövcuddur.
“Müdafiə sahəsi ölkə üçün nə qədər əhəmiyyətlidirsə və ona hansı diqqət göstərilirsə, mədəniyyətə də o qədər diqqət ayrılmalıdır. Mədəniyyət də o qədər ölkə üçün əhəmiyyətlidir. Yəni, mədəniyyət ölkənin, xalqın simasıdır. Buna görə də, büdcə formalaşdırılarkən mədəniyyətə ənənəvi yanaşmadan əl çəkməli, bu sahəni önə çəkməli və bu sahəyə diqqət yetirməliyik. Mədəniyyətə diqqət ayrılmalıdır. Ona görə ki, bu sahə digər sahələrdən ciddi fərqlənir. İqtisadiyyatda yaranan problemi, çatışmazlığı, sınıqlığı qısa zamanda bərpa etmək olur, ancaq təhsil və mədəniyyət sahəsində belə vəziyyət yarandqıda bunu qısa zamanda bərpa etmək mümkün olmur. Əgər təhsil və mədəniyyət sahəsində sınıqlar, problem yaranarsa, bunu bərpa etmək üçün uzun illər lazım olur”-deyə, o, sözlərinə əlavə edib.
Komitə sədri onun da əlavə edib ki, maliyyə naziri Samir Şərifov və baş nazir Artur Rəsizadə mədəniyyətə bağlı nəsillərdən çıxıblar və onlar mədəniyyət sahəsinə vəsait ayrılarkən bu məsələni nəzərə almalıdırlar:
“Düşmənlərimiz torpaqlarımızı işğal etməzdən öncə, mədəniyyətimizi işğal ediblər. O baxımdan da nə musiqi məktəbləri, nə də teatrlar bağlanmalıdır. Buna yol vermək olmaz. Mədəniyyət ocaqlarının bağlanması ölkədə mədəni düşüncənin formalaşmasına mənfi təsir göstərir. Teatrın bağlanmasına da yol vermək olmaz. Onsuz da onlar çox da yüksək maaş almırlar”-deyə, akademik daha sonra bildirib.
Etikxeber.az
