Düşmənə məxsus növbəti PUA məhv edildi-DÜŞMƏNƏ NÖVBƏTİ ZƏRBƏ VURULDU, TƏRTƏR, AĞDAM, AĞCABƏDİ VƏ FÜZULİ YENİDƏN ATƏŞƏ TUTULDU – YENİLƏNİB – (2)

Ermənistana məxsus növbəti PUA məhv edilib.

Etikxeber.az xəbər verir ki, bu haqda Müdafiə Nazirliyi (MN) məlumat yayıb.

Qeyd olunub ki, oktyabrın 11-i səhər saat 08.00 radələrində Mingəçevir istiqamətində uçuşlar həyata keçirməyə cəhd edən Ermənistana məxsus pilotsuz uçuş aparatı (PUA) Hava Hücumundan Müdafiə bölmələrimiz tərəfindən məhv edilib.

09:53

***

Düşmənin qüvvə və vasitələri məhv edilib.

MN-dən bildirilib ki,oktyabrın 10-dan 11-nə keçən gecə itirdikləri mövqeləri geri qaytarmaq məqsədilə hücuma keçməyə cəhd göstərən düşmənin qüvvə və vasitələri bölmələrimiz tərəfindən məhv edilib.

10:43

***

Azərbaycan Hərbi Hava Qüvvələri tərəfindən Ermənistan silahlı qüvvələrinin 41-ci əlahiddə artilleriya alayı bölmələrinə havadan endirilən zərbələr nəticəsində düşmən ağır itkilər verib.

MN-dən qeyd olunub ki, xeyli sayda canlı qüvvə və hərbi texnika itirən düşmən döyüş meydanını qoyaraq qaçmağa məcbur edilib.

***

Ermənistan silahlı qüvvələri Ağdam, Tərtər, Ağcabədi və Füzuli rayonlarının kəndlərini atəşə tutur.

Bu barədə də MN məlumat yayıb.

Etikxeber.az