Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Elməddin Anar oğlu Məmmədli…
Lənkəran şəhərinin İkinci Vətən Müharibəsi Şəhidlərindən, Vətən sevdalılarımızdan, Nur üzlülərimizdən biri…
Vətən üçün doğulan, Vətən yolunda da gedən oğul…
Elməddin 2000-ci ilin avqust ayının 10-da Lənkəran şəhərinin Velədi kəndində, sadə bir ailədə dünyaya gəlib…
Ailənin 4 övladından biri olub…
Elməddingil ailədə 3 qardaş, 1 bacı olublar…
Elməddin 2020-ci ilin aprel ayında hərbi xidmətdən qayıtdıqdan cəmi 5 ay sonra, sentyabr ayının 21-də səfərbərliyə cəlb olunub…
Sentyabrın 27-dən isə İkinci Vətən Müharibəsində iştirak edib…
Füzuli istiqamətlndə döyüşüb…
Axırıncı dəfə ailəsi ilə oktyabrın 3-də danışıb…
Ondan sonra Elməddindən xəbər almaq mümkün olmayıb…
Yalınız oktyabrın 23-də Elməddinin Şəhidliyi xəbəri ailəsinə verilib…
Nəşi ayın 24-də Velədi kənd qəbiristanlığında dəfn olunub, Əbədiyyətə uğurlanıb…
Elməddin həm də Velədinin 3 Şəhidindən biridir…
Şəhidliyindən sonra “Vətən uğrunda”, “Cəsur döyüşçü” və “Füzulinin azad olunmasına görə” medalları təltif olunub…
Yaşadığı küçəyə Şəhidin adı verilib…
Elməddin həm də subay olub…
Elməddinin qardaşlarından Elcan isə hazırda ailəlidir, 1 oğlan atasıdır…
Oğluna da qardaşının-Elməddinin adını verib…
Ruhu köməyi olsun, torpağı sanı yaşasın!
***
Bu gün Qubalı Şəhidimiz Miqdad Abduləlimovun valideynləri-Tünzalə xanım və Faiq bəylə Elməddinin ailəsini ziyarət etdik, onlara baş çəkdik…
Şəhidimizin ailəsinə başsağlığı verdik, onlara Allahdan səbr və dözüm arzuladıq…
“Şəhidimizin məqamı Uca, ruhu şad olsun!”-dedik…
Ruhu qarşısında baş əydiyimizi bildirdik…
Qeyd edim ki, Şəhidimizin ailəsini ziyarət edən zaman daha bir necə Lənkəranlı Şəhidimizin ailə üzvləri Elməddingilə gəldilər…
Dərd və Qürur ortaqları olan Şəhid ailələri, Şəhid valideynləri bir araya gəldilər…
Görüşdülər, söhbətləşdilər, dərdləşdilər…
Duyğulandılar, kövrəldilər, göz yaşlarına hakim ola bilmədilər…
Eyni zamanda, bir-birilərinə təsəlli verdilər…
Allah hamısının səbr və dözümünü versin!
Övladlarının məkanları cənnətlik olsun!
Nur içində yatsınlar!
Kamil HƏMZƏOĞLU (HƏMİDOV)
Etikxeber.az
