Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
2023-cü ilin 19-20 sentyabr tarixlərində baş verən Antiterror əməliyyatı zamanı Şəhidlik zirvəsinə ucalan Leytenant Elxan Ələkbər oğlu Məmmədlinin Anım Günü İsmayıllı rayonu Zoğallıq kəndində qeyd olunub.
Şəhidin məzarı üzərinə gül dəstələri düzülüb, əklil qoyulub, ruhuna dualar olunub, “Quran” oxunub.
Məzarını ziyarətdən sonra Anım mərasimi keçirilib, Şəhidin adına ehsan süfrəsi açılıb, bir daha ruhuna dualar edilib.
Etikxeber.az xəbər verir ki, Elxan Məmmədli 1997-ci ilin oktyabr ayının 13-də İsmayıllı rayonunun Zoğallıq kəndində dünyaya göz açıb.
Ailənin iki övladından biri, evin tək oğlu, tək bacının tək qardaşı olub.
2004-cü ildə Suraxanı rayonu Pərviz İsmayılov adına 278 saylı tam orta məktəbdə təhsilinə başlayıb, 2015-ci ildə həmin məktəbin 11-ci sinfini başa vurub.
Məktəbi bitirdikdən sonra Bakı Biznes Universitetinin Dövlət və Bələdiyyə İdarəetməsi fakültəsinə daxil olub, 2019-cu ildə oranı bitirərək məzun olub.
Elxan Məmmədli 2019-cu ildə İsmayıllı rayon hərbi komissarlığı tərəfindən müddətli həqiqi hərbi xidmətə çağırılıb.
Dövlət Sərhəd Xidmətinin (DSX) Tovuz rayonunda yerləşən N saylı hərbi hissəsində xidmət edən Elxan Məmmədli ordudan tərxis olunduqdan sonra Azərbaycan Silahlı Qüvvələrinin Təlim Tədris Mərkəzində “Ehtiyat zabit hazırlığı” kursunu keçib.
Kursu müvəffəqiyyətlə başa vuraraq “Leytenant” hərbi rütbəsini alıb.
Xocalı, Şuşa, Xankəndi və Qubadlının ətraf ərazilərində hərbi xidmətini davam etdirib.
Hərbi xidmət zamanı əldə etdiyi nailiyyətlərə görə 10 fevral 2022-ci ildə komandanlıq tərəfindən fəxri fərmanla təltif edilib.
Daha sonra, 15 may 2023-cü ildən 29 iyul 2023-cü ilə kimi “Komonda” Dağ Təlimi Mərkəzində keçirilmiş 17-ci qəbul “Komando başlanğıc kursu”nu müvəffəqiyyətlə başa vurub.
”Komando” Dağ Təlimi Mərkəzinin komandalığı tərəfindən sertifikata layiq görülüb.
Elxan Məmmədli “Komando” əməliyyat qrupunda Kəşfiyyat komandiri vəzifəsində xidmət göstərib.
2023-cü ilin sentyabrn 19 da Qarabağda başlanan lokal xarakterli antiterror əməliyyatları zamanı kəşfiyyat komandiri olaraq döyüşə qatılıb, öndə gedərək torpaqlarımızın terrorçulardan azad edilməsində şücaət göstərib.
Həmin gün sentyabrn 19-da Xocavəndin azadlığı uğrunda gedən döyüşlərdə qəhrəmancasına Şəhid olub.
Nəşi sentyabrın 21-də Zoğallıq kənd qəbiristanlığında Əbədiyyətə uğurlanıb.
Şəhidliyindən sonra “Vətən uğrunda” medalı və 3-cü dərəcəli “Vətənə xidmətə görə” ordeni ilə təltif edilib.
Ruhu şad olsun!
Nur içində yatsın!
***
FOTOLAR:
Kamil HƏMZƏOĞLU (HƏMİDOV)
Etikxeber.az
