Evin-ailənin tək və subay oğlu, cəmi 19 yaşlı “Qisas” əməliyyatı Şəhidi-GƏNCƏLİ NİHAD VERDİYEVİN SABAH ANIM GÜNÜDÜR, ƏBƏDİYYƏTƏ UĞURLANMASINDAN İKİ İL KEÇİR…- FOTOLAR

Sabah əslən Daşkəsənli, özü isə Gəncəli olan cəmi 19 yaşlı “Qisas” əməiyyatı Şəhidi Nihad Nicat oğlu Verdiyevin Əbədiyyətə uğurlanmasının ikinci ilidir, Anım Günüdür.

Anım Günü ilə bağlı sabah-16 sentyabr 2024-cü il tarixində Gəncə şəhərinin Səbiskar qəbiristanlığındakı Şəhidlər Xiyabanında Şəhidin məzarı ziyarət ediləcək, məzarı üzərinə gül dəstələri düzülücək, ruhuna dualar olunacaq, “Quran” oxunacaq, məzarını ziyarətdən sonra isə Anım mərasimi düzənlənəcək, adına ehsan veriləcək.

Etikxeber.az xəbər verir ki, Nihad Verdiyev 2003-cü ilin 19 dekabr tarixində dünyaya gəlib.

Ailənin iki övladından biri, evin tək oğlu, tək bacının tək qardaşı olub.

Bacısı hazırda ailəlidir.

2009-2020-ci illərdə orta məktəbdə oxuyub.

Orta məktəbi bitirdikdən, 18 yaşını tamamladıqdan sonra həqiqi hərbi xidmətə yollanıb.

Azərbaycan Ordusunun Əsgəri kimi 2022-ci ilin sentyabrında “Qisas” əməliyyatına qatılıb və sentyabrın 13-də Laçın istiqamətində qəhrəmancasına Şəhidlik məqamına ucalıb.

Nəşi 16 sentyabr 2023-cü il tarixində Səbiskar qəbiristanlığındakı Şəhidlər Xiyabanında dəfn olunub, Əbədiyyətə uğurlanıb.

Şəhidliyindən sonra “Vətən uğrunda” medalı və 3-cü dərəcəli “Vətənə xidmətə görə” ordeni ilə təltif olunub.

Onu da qeyd edək ki, bu gün-15 sentyabr 2024-cü il tarixində “Odlar yurdu” qrupunun üzvü Azadə xanım, Naftalanlı Şəhid qardaşı Fərid Adıgözəlov, Xaçmaz-Xudatlı Antiterror Şəhidi Devid Cəlilovun anası Sevinc Cəlilova və Gəncəli bəzi Şəhid ailələri tərəfindən Şəhidin məzarı ziyarət olunub.

Şəhidin valideynlərinə-anası Vüsalə xanıma Allahdan səbr və dözüm arzulanıb.

Məzarı başında xatirə fotoları çəkdirilib.

Məkanı cənnətlik olsun!

Nur içində yatsın!

***

FOTOLAR:

Kamil HƏMZƏOĞLU (HƏMİDOV)

Etikxeber.az