Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Mingəçevir şəhərinin (əslən Yardımlılı) İkinci Vətən Müharibəsi Şəhidlərindən olan Ruslan Nəcəf oğlu Cəfərlinin Anım Günüdür.
Ruslan Cəfərlinin bu gün Əbədiyyətə uğurlanmasından dörd il ötür.
Etikxeber.az xəbər verir ki, əslən Yardımlı rayonundan olan Ruslan Nəcəf oğlu Cəfərli 1995-ci ilin may ayının 25-də Mingəçevir şəhərində sadə bir ailədə dünyaya gəlib.
Ailənin iki övladından biri, evin tək oğlu, tək bacının tək qardaşı olub.
Bacısı Günay xanım hazırda üç övlad anasıdır və ötən ilin aprel ayının 25-də dünyaya gələn sonuncü, üçüncü övladına qardaşının-Rusalanın adını verib.
2001-2012-ci illərdə Mingəçevir şəhərində orta təhsil alıb.
Orta məktəbi bitirdikdən, 18 yaşını tamamladıqdan sonra Əsgərlikdə olub, Vətənin keşiyində dayanıb.
Əsgərliyini başa vurduqdan sonra müxtəlif sahələrdə çalışıb.
İkinci Vətən Müharibəsi zamanı isə Tərtər-Ağdərə-Suqovuşan istiqamətlərində döyüşlərdə iştirak edib.
Oktyabr ayında isə Suqovuşan istiqamətində ağır döyüşlərdən birində qəhrəmancasına Şəhidlik məqamına ucalıb.
Ancaq uzun müddət nəşini tapmaq mümkün olmayıb.
Yalınız noyabr ayında nəşi əldə edilib və noyabrın 21-də Mingəçevir şəhər Şəhidlər Xiyabanında dəfn olunub.
Şəhidliyindən sonra 3 medalla təltif edilib.
Valideynləri isə övladlarının adının, xatirəsinin əbədiləşdirilməsini və ölkənin ali ordenlərindən biri ilə təltif olunmasını istəyir və tələb edir.
Ruslan həm də subay olub.
Məkanı cənnətlik olsun!
Nur içində yatsın!
Kamil HƏMZƏOĞLU
Etikxeber.az
