Eyni gündə, eyni saatda, eyni məkanda Şəhid olan qardaşların-İMAN VƏ BƏHRAM MƏMMƏDZADƏLƏRİN İZDİHAMLI ANIM GÜNÜ…- FOTOLAR – YENİLƏNİB – (7)

Bu gün Bakının Xəzər rayonu və Lerikin İkinci Vətən Müharibəsi Şəhidləri-Şəhid qardaşlar – İman və Bəhram Məmmədzadə qardaşlarının Anım Günüdür.

Düz bir il keçir Şəhid qardaşların Binə qəsəbə qəbiristanlığında, Şəhidlər məzarlığında torpağa tapşırılmasından, Əbədiyyətə uğurlanmasından.

Düz bir il öncə-bu gün, noyabrın 2-də Şəhid qardaşlar torpağa tapşırılıblar.

Etikxeber.az xəbər verir ki, əslən Lerikin Kəlvəz kəndindən olan evin-ailənin iki övladı, iki oğlu-Şəhid qardaşlar uzun müddət Rusiyada yaşayıb, sonra isə Bakının Binə qəsəbəsinə köçüblər.

Hər iki qardaş Əsgər kimi İkinci Vətən Müharibəsində iştirak edib və eyni gündə, eyni saatlarda Xocavəndin Qırmızı Bazar qəsəbəsində Şəhidlik məqamına ucalıblar.

Şəhid qardaşların nəşi bir neçə gün sonra, noyabrın 2-də Əbədiyyətə uğurlanıb.

Ölümlərindən, Şəhidliklərindən sonra hər iki qardaş bir neçə medalla təltif olunublar.

Xatırladaq ki, İman 22 yaşında, Bəhram isə 20 yaşında Şəhidlik zirvəsinə yüksəlib.

Hər iki qardaş həm də subay olublar.

Anım günlərində öncə hər iki qardaşın məzarları ziyarət olunub.

Sonra isə Binədəki “Bənövşə” şadlıq sarayında Şəhid qardaşların anım mərasimi keçirilib.

Mərasimdə Şəhidlərin valideynləri-Həcər xanım və Elman bəy, Şəhid qardaşların yaxınları, qohumları, Qazilər, hərbçilər, din xadimləri, Bakıdan və digər bölgələrdən olan Şəhid ailləri, Xəzər və Lerik rayon rəhbərliyi və başqa şəxslər iştirak ediblər.

“Əgər yenə də övladım, övladlarım olsaydı, yenə də onları Vətənin keşiyinə, müdafiəsinə yollayardım…”-Şəhid qardaşlar İman və Bəhram Məmmədzadənin anası Hicran xanım – Şəhid qardaşlardan-İMAN MƏMMƏDZADƏNİN CƏNNƏTDƏKİ İLK AD GÜNÜ İLƏ BAĞLI MƏRASİM KEÇİRİLDİ… – FOTOLAR – YENİLƏNİB – (3)

Mərasimdə Şəhidlərin xatirəsi bir dəqiqəlik sükutla yad olunub, Dövlət himni səsləndirilib, çıxışlar edilib.

Çıxışlarda Şəhid qardaşların valideynlərinə bir daha Allahdan səbr dilənilib.

Şəhidlərin valideynləri də öz növbəsində mərasim iştirakçılarına minnətdarlıqlarını ifadə ediblər.

Etikxeber.az anım mərasimindən fotoları təqdim edir:

12:40

***

FOTOLAR:

İMAN VƏ BƏHRAM MƏMMƏDZADƏLƏR…QÜRURUMUZ, FƏXRİMİZ, ŞANIMIZ-ŞƏRƏFİMİZ…