“FETÖ” 15 iyuldan sonra ABŞ-da daha da güclənib ki…” – BAŞBUĞ

Bunu birdəfəlik bilməliyik və altını cızmalıyıq ki, 15 iyul bir hərbi-əsgəri çevriliş cəhdi deyil, bu, FETÖ-nün silahlı çevriliş cəhdidir.

Etikxeber.az xəbər verir ki, bunu FOX-a geniş açıqlamasında Türkiyənin sabiq genəlkurmay başqanı İlkər Başbuğ deyib.

O, təəssüflə bildirib ki, ancaq bunun Türkiyə ictimaiyyətinin özünə, o cümlədən, dünyaya,  ABŞ-a, Qərb ölkələrinə olduğu kimi, yəni,  FETÖ-nün silahlı çevriliş cəhdi kimi anladılması hələlik tam mümkün olmayıb.

“Hesab edirəm ki, əksinə,  bu gün, yəni, 15 iyul hadisələrindən sonra “FETÖ” ABŞ-da  daha da güclənib, daha da güclü orqanizə olunub. Ancaq Türkiyə dövləti, Türkiyə cəmiyyəti 15 iyul hadisələrinin  dünyaya olduğu kimi, anladılmasına tam nail ol bilməyib. Bunu da təssüf hissi ilə vurğulamaq istəyirəm…”-deyə, Başbuğ sözlərinə əlavə edib.

Başbuğ həmçinin deyib ki, 15 iyulun bir oyun, bir ssenari kimi qiymətləndirilməsini də düzgün saymır:

“Mən “Darbe Komisyonu”nu bilgiləndirməmdə də bildirmişdim ki, 15 iyulu bir oyun, bir sssenari kimi qiymətləndirmirəm və bu yöndə iddiaları da düzgün hesab etmirəm. Bu gün də həmin fikrimdə qalıram və altını da cızıram…”.

Etikxeber.az