Goranboylu İkinci Vətən Müharibəsi Şəhidi Nofəl Nuriyevin 37 yaşının tamamında-MƏZARI ZİYARƏT OLUNDU… – FOTOLAR – YENİLƏNİB

Goranboy rayonunun İkinci Vətən Müharibəsi Şəhidlərindən olan evin-ailənin tək oğlu, tək bacının tək qardaşı, üç övlad atası, hərbi həkim, üç medallı Nofəl Xaliq oğlu Nuriyevin Cənnətdəki beşinci doğum günündə, 37 yaşının tamamında-9 yanvar 2025-ci il tarixində Əbədiyyətə uğurlandığı Qızılhacılı (Balakürd) qəsəbə qəbiristanlığındakı Şəhidlər Xiyabanında məzarı ziyarət olunub.

Məzarı üzərinə gül dəstələri düzülüb.

Ruhuna dualar edilib, “Quran” oxunub.

Etikxeber.az xəbər verir ki, ziyarət iştirakçıları tərəfindən 9 yanvar 1988-ci il təvəllüdlü Şəhidin Cənnətdəki beşinci doğum günü təbrik edilib.

Ailəsinə Allahdan səbr və dözüm arzulanıb.

Məktəblilər tərəfindən Vətən, Şəhidlərə həsr olunmuş şeirlər səsləndirilib.

Eyni zamanda, ailə üzvləri-övladları tərəfindın adına hazırlanmış tort kəsilib.

Qeyd edək ki, Şəhidin məzarını ziyarətdə ailə üzvləri, Goranboylu Şəhid ailələri, məktəblilər və digər şəxslər iştirak ediblər.

Sabah Cənnətdəki beşinci doğum günü, 37 yaşı tamam olan üç övlad atası-GORANBOYLU İKİNCİ VƏTƏN MÜHARİBƏSİ ŞƏHİDİ NOFƏL NURİYEV…

***

FOTOLAR:

Kamil HƏMZƏOĞLU (HƏMİDOV)

Etikxeber.az