Goranboylu itkin Şəhid qardaşı və Şəhid əmisi Rusiyada avtoqəza nəticəsində-HƏYATINI İTİRDİ… – FOTOLAR

Goranboy rayonunun Qızılhacılı qəsəbəsindən olan itkin Şəhid Cabbar Ələkbərovun qardaşı və tək oğul, İkinci Vətən Müharibəsi Şəhidi Kənan Ələkbərlinin əmisi Rizvan Ələkbərov keçirdiyi avtoqəza nəticəsində həyatını itirib.

Bu barədə Etikxeber.az-a Şəhid Kənan Ələkbərlinin ailəsindən məlumat verilib.

Qeyd edilib ki, uzun illərdir qonşu Rusiya Federasiyasında yaşayan itkin Şəhid qardaşı və Şəhid əmisi Rizvan Ələkbərov dünən axşam saatlarına yaxın avtoqəza nəticəsində dünyasını dəyişib.

59 yaşlı və subay olan Rizvan Ələkbərovun nəşinin yaxın günlərdə Vətənə, doğulub boya-başa çatdığı Qızılhacılı qəsəbəsinə gətiriləcəyi və Qızılhacılı qəsəbə (Balakürd) qəbiristanlığında dəfn olunacağı gözlənilir.

Qeyd edək ki, ümumiyyətlə, son üç gün ərzində üç Şəhid qardaşı dünyasını dəyişib.

Bundan öncə Bərdəli Şəhid Bəhrəm Nizam oğlu İlyasovun qardaşı Kənan İlyasov və Mingəçevirli Şəhid Qəhrəman Nəsirovun hərbçi qardaşı Rəsul Nəsirov vaxtsız şəkildə vəfat ediblər.

Allah rəhmət etsin!

***

FOTOLAR:

Kamil HƏMZƏOĞLU

Etikxeber.az