Hələ də orden Haqqı tanınmayan-SAMUXLU İKİNCİ VƏTƏN MÜHARİBƏSİ ŞƏHİDİ TALEH YUSİFOVUN BU GÜN CƏNNƏTDƏKİ DÖRDÜNCÜ DOĞUM GÜNÜDÜR VƏ… FOTOLAR – YENİLƏNİB – (2)

İkinci Vətən Müharibəsi Şəhidlərindən Samuxlu Taleh Gündüz oğlu Yusifovun doğum günüdür.

Taleh Yusifovun bu gün-18 noyabr 2024-cü il tarixində Cənnətdəki dördüncü doğum günü, mövlududur.

Cənnətdəki dördüncü doğum günü ilə bağlı bu gün-günorta saatlarında Şəhidin Ziyadlı kənd qəbiristanlığındakı məzarı ziyarət olunub.

Məzarı üzərinə gül dəstələri düzülüb, ruhuna dualar edilib, “Quran” oxunub.

Məktəblilər tərəfindən şeirlər səsləndirilib, qısa çıxışlar olunub, İgidliyi və Qəhrəmanlığından söz açılıb.

Ailəsinə Allahdan səbr və dözüm arzulanıb, Cənnətdəki dördüncü doğum günü təbrik edilib.

Ziyarətdən sonra Şəhidin ailəsinin Ziyadlı kəndində yaşadığı evdə məclis düzənlənib, adına ehsan süfrəsi açılıb, bir daha ruhuna dualar oxunub.

Şəhidlərin xatirəsi bir dəqiqəlik sükutla yad olunub, Dövlət himni səsləndirilib.

Məclisdə Şəhidə, Şəhidlərə həsr olunmuş mahnılar səsləndirilib.

Həmçinin, tanınmış bəstəkar və müğənni, hər zaman Şəhid ailələrinin yanında olan Ruslan Səfəroğlu Şəhidə həsr etdiyi mahnısını ifa edib.

Bu zaman təsirli, kövrək anlar yaşanıb.

Məclis iştirakçıları, xüsusilə, Şəhid ailələri göz yaşlarına hakim ola bilməyiblər.

Məclisin sonunda Şəhidin adına hazırlanmış tort kəsilib.

Ziyarətdə və Cənnətdəki dördüncü doğum günü ilə bağlı məclisdə Şəhidin ailə üzvləri, yaxınları, Samuxdan olan Şəhid ailələri, Qazilər, din xadimləri, Samux rayon İcra hakimiyyətlərinin məsul nümayəndələri və başqa şəxslər iştirak ediblər.

Etikxeber.az xəbər verir ki, Taleh Yusifov 1994-cü ilin noyabrın 18-də Samux rayonunun Ziyadlı kəndində sadə bir ailədə anadan olub.

Ailədə üç uşaq-bir bacı, iki qardaş olublar.

Taleh evin kiçik övladı, sonbeşiyi idi.

İkinci Vətən Müharibəsi başlayan ilk gündən döyüşlərə atılıb, Murovdaq, Füzuli, Zəngilan, Cəbrayılı, Qubadlı və Laçın istiqamətlərində döyüşüb.

O, Lacın uğrunda döyüşlərdə qəhrəmancasına Şəhidlik məqamına ucalıb.

Şəhidliyi isə noyabrın 26-da təsdiqlənib və nəşi ailəsinə təhvil verilib.

Bir gün sonra, noyabrın 27-də də doğulub boya-başa çatdığı Ziyadlı kəndində dəfn olunub.

Şəhidliyindən sonra İgidliyinə, Qəhrəmanlığına görə, Ali Baş Komandan tərəfindən 5 medalla-“Vətən uğrunda”, “Hərbi xidmətlərə görə”, “Qubadlının azad olunmasına görə”, “Laçının azad olunmasına görə” və “Cəbrayılın azad olunmasına görə” medalları ilə təltif olunub.

Ailəsinin dəfələrlə müraciət etməsinə baxmayaraq, Şəhidin hələ də orden Haqqı təmin edilməyib…

Taleh həm də subay olub.