Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Bu gün Avropa Şurası Parlament Assambleyasının (AŞPA) Strasburqda keçirilən qış sessiyası çərçivəsində qurumun Monitorinq Komitəsinin iclası olub.
Etikxeber.az-ın APA-ya istinadən məlumatına görə, iclasda AŞPA Monitorinq Komitəsinin Azərbaycan üzrə həmməruzəçiləri Stefan Şennak və Sezar Florin Preda bu ayın əvvəlində Azərbaycana etdikləri səfər və onun nəticələri haqqında komitə üzvlərinə şifahi məlumat veriblər.
Komitənin işində iştirak etmiş Azərbaycanın AŞPA-dakı nümayəndə heyətinin rəhbəri Səməd Seyidov həmməruzəçilərin yenidən Azərbaycana səfər edəcəklərini və növbəti hesabatın hazırlanacağını bildirib.
“Monitorinq Komitəsinin bugünkü iclasında həmməruzəçilərin Azərbaycanla bağlı çıxışları dinlənildi, Azərbaycanda gedən prosesləri komitə üzvləri ilə birlikdə müzakirə etdik. Müzakirələr çox konstruktiv şəkildə təşkil olunmuşdu. Azərbaycanla Avropa Şurası arasında dialoqun əhəmiyyəti, QHT və vətəndaş cəmiyyətlərinin nümayəndələri ilə danışıqların aparılması, Azərbaycanda insan haqları ilə bağlı məsələlərin Avropa Şurası nümayəndələri ilə birgə təhlili və s. kimi məsələlər müzakirə olundu. Sonda qərara alındı ki, həmməruzəçilər yenidən Azərbaycana səfər edib, hesabat hazırlasınlar” – deyə, S. Seyidov qeyd edib.
Etikxeber.az
