“Hər kəsə cavab vermək iqtidarındayıq” – SƏMƏD SEYİDOV

“Avropa Şurası Parlament Assambleyasının (AŞPA) qış sessiyasının iclasında Azərbaycanla bağlı məsələlərin ümumi şəkildə gündəmə gətirilməsi nəzərdə tutulmur”.

Bunu Etikxeber.az-a Milli Məclisin (MM)  Beynəlxalq münasibətlər və parlamentlərarası əlaqələr komitəsinin sədri, AŞPA-da Azərbaycan nümayəndə heyətinin rəhbəri Səməd Seyidov deyib.

S.Seyidov qeyd edib ki, amma biz referendumla bağlı hansısa məsələləri komitə, büro səviyyəsində müzakirə edə bilərik: “AŞPA-nın Parlament Assambleyası səviyyəsində isə müzakirələr aparmayacağıq. Çünki buna əsas yoxdur. Qiymətləndirmə missiyası artıq referendumla bağlı öz fikrini söyləyib”.

Bu gün əsas müzakirə məsələlərindən birinin Qarabağla bağlı olduğunu vurğulayan S.Seyidov deyib ki, AŞPA-da Azərbaycan nümayəndə heyəti həmişə bu istiqamətdəki mövqeyini komitələrə, siyasi partiyalara çatdırır: “Bu gün Azərbaycan nümayəndə heyətinin üzvləri artıq Azərbaycan çərçivəsindən çıxaraq Avropa və dünya problemləri ilə məşğul olurlar. Biz Azərbaycan olaraq, Avropanın problemləri, istiqamət yolu və düşdüyü böhrandan çıxış yolunu göstərmək iqtidarındayıq. Bu nöqteyi-nəzərdən qaçqın və köçkün problemi, ksenofobiya, multikulturalizm, dinlərarası münasibətlər, qanuna münasibət, böhranda iqtisadi dirçəliş məsələləri və dünyada müstəqil siyasət aparan ölkələrə qarşı ciddi təzyiqlər kimi məsələlərə cavab vermək iqtidarındayıq”.

Etikxeber.az

 

Read Previous

Əliyev üzüntüsünü belə ifadə etdi: “Peresin vəfatı xəbəri məni olduqca kədərləndirdi”

Read Next

MM-in komitə sədri: “Konstitusiyaya dəyişikliklərlə əlaqədar gənclərin yaş senzi də dəyişəcək”

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir