Heç bir ölkə Dağlıq Qarabağı müstəqil və suveren ölkə kimi tanımır – HƏMSƏDRLƏR

“Həmsədrlər 2017-ci il 20 fevral tarixində Dağlıq Qarabağda konstitusiyaya dair qondarma “referendum”un keçirilməsinin planlaşdırıldığı barədə məlumatlıdırlar”.

Etikxeber.az-ın ATƏT-in rəsmi saytına istinadən verdiyi xəbərə görə, bu barədə ATƏT-in Minsk Qrupunun həmsədrləri Azərbaycan və Ermənistan XİN rəhbərləri ilə Münhendə keçirilən təkbətək və birgə görüşünün yekunlarına dair bəyanatında  bildirilib. Bəyanatda qeyd olunub ki, həmsədrlər, Dağlıq Qarabağın de-fakto hakimiyyətinin bu prosedurdan əhalinin ictimai həyatını formalaşdırmaq cəhdi kimi istifadə etdiyini qeyd etsələr də, bir daha vurğulayırlar ki, Ermənistan və Azərbaycan da daxil olmaqla, heç bir ölkə Dağlıq Qarabağı müstəqil və suveren ölkə kimi tanımır:

“Buna görə də həmsədrlər 20 fevral “referendumu”nun nəticələrinin Dağlıq Qarabağın hüquqi statusuna təsir edə biləcəyini qəbul etmirlər. Həmsədrlər qeyd edirlər ki, nəticələr heç bir halda Dağlıq Qarabağın yekun statusunu və ya münaqişənin dayanıqlı və sülh yolu ilə nizamlanmasına yönəlmiş hazırkı danışıqların yekununu qabaqcadan müəyyənləşdirmir. Həmsədrlər cari ilin mart ayında regiona səfər etməyi planlaşdırırlar”.

Etikxeber.az

 

 

Read Previous

Düşmən atəşkəs rejimini ümumilikdə 40 dəfə pozub

Read Next

“Azəravtoyol”-un iddiası: Əsas yolların heç birində problem yoxdur

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir