Hüseyn Cavid yaradıcılığında musiqi dünyası adlı musiqili-ədəbi gecə keçiriləcək

Tanınmış ifaçı, gözəl xanəndə, Əməkdar artist Nuriyyə Hüseynova növbəti konsert proqramı ilə çıxış etməyə hazırlaşır.

Etikxeber.az-ın xəbərinə görə, bu haqda N. Hüseynova öz “Facebook” səhifəsində məlumat yayıb.

Onun qeyd etdiyinə görə, konsert, daha doğrusu, musiqili-ədəbi gecə iyunun 2-də Beynəlxalq Muğam Mərkəzində saat 19:00-da olacaq.

Konsert Beynəlxalq Mugam Mərkəzi və Azərbaycan Dövlət İncəsənət və Mədəniyyət Universitetinin birgə layihəsi əsasında gerçəkləşdiriləcək.

Musiqili-ədəbi gecədə Əməkdar artistlə yanaşı, adıçəkilən universitetin ikinci kurs tələbəsi Məftun Səfərli də çıxış edəcək.

Musiqili-ədəbi gecə isə belə adlanır: Hüseyn Cavid yaradıcılığında musiqi dünyası.

Etikxeber.az