İki ev, bir maşın yandı,köməksiz vəziyyətdə qalan iki şəxs isə xilas edildi

Dünən respublikanın  3 şəhərində yanğın  hadisəsi baş verib.Etikxeber.az Fövqəladə Hallar Nazirliyinin (FHN)  rəsmi saytına istinadən xəbər verir ki, Bakı şəhəri, Qaradağ rayonunda vətəndaşa məxsus ümumi sahəsi 150 m² olan ikimərtəbəli 8 otaq və mansardan ibarət evin 2-ci mərtəbəsində 1 otağın tavanı 5 m² sahədə, 1 ədəd kreslo, paltaryuyan maşın və mansardın  tavanına çəkilmiş şüşə pambıq üzlük 20 m² sahədə yanmışdır. Evin qalan hissəsi yanğından mühafizə olunmuşdur. Yanğın saat 17:40-da yanğınsöndürənlər tərəfindən söndürülüb. 

Analoji hadisə Sumqayıt şəhərində  də baş verib. Belə ki, beşmərtəbəli yaşayış binasının zirzəmisində 10 m² sahədə məişət tullantıları yanıb. Yanğın zamanı 15 nəfər bina sakini yanğınsöndürənlər tərəfindən təhlükəsiz əraziyə təxliyyə olunublar. Zirzəminin qalan hissəsi və mənzillər yanğından mühafizə olunub. Yanğın saat 18:13-də yanğınsöndürənlər tərəfindən söndürülüb.

Bakının Yasamal rayonunda isə vətəndaşa məxsus “BMW” markalı minik avtomobilinin idarəetmə lövhəsi yanıb. Avtomobilin qalan hissəsi yanğından mühafizə olunub. Yanğın saat 19:00-da yanğınsöndürənlər tərəfindən söndürülüb.

Eyni zamanda, FHN-nin Böhran Vəziyyətlərində İdarəetmə Mərkəzinə, Mingəçevir şəhərində 1 azyaşlının bağlı qapı arxasında köməksiz vəziyyətdə qalması barədə məlumat daxil olub. Dərhal Nazirliyin Dövlət Yanğından Mühafizə Xidmətinin yanğınsöndürən-xilasediciləri hadisə yerinə cəlb olunaraq mənzilin qapısını açıb və azyaşlını aidiyyati üzrə təhvil veriblər. Əməliyyat saat 19:07-də başa çatıb.

Bununla yanaşı, Böhran Vəziyyətlərində İdarəetmə Mərkəzinə, Bakı şəhəri, Sabunçu rayonunda 1 nəfərin liftdə köməksiz vəziyyətdə qalması barədə məlumat daxil olub. Dərhal Nazirliyin Xüsusi Riskli Xilasetmə Xidmətinin xilasediciləri hadisə yerinə cəlb olunaraq liftin qapısını açıb və vətəndaşın çıxmasına şərait yaradıblar. Əməliyyat saat 19:55-də başa çatıb.

Etikxeber.az