İlham Əliyev Özbəkistan Prezidentinə başsağlığı verdi

Azərbaycan Prezidenti İlham Əliyev Qazaxıstanda baş vermiş və çoxsaylı insan ölümünə səbəb olmuş avtobus qəzası ilə Özbəkistan Prezidenti Şavkat Mirziyoyevə başsağlığı verib.

Etikxeber.az-ın xəbərinə görə, başağlığında deyilir:

Hörmətli Şavkat Miromonoviç,
Qazaxıstanın Aktobe vilayətində sərnişin avtobusunun yanması nəticəsində həmvətənlərinizin faciəli şəkildə həlak olması xəbəri məni son dərəcə sarsıtdı.
Baş vermiş bu hadisə ilə əlaqədar Sizə, həlak olanların ailələrinə və yaxınlarına, bütün Özbəkistan xalqına öz adımdan və Azərbaycan xalqı adından dərin hüznlə başsağlığı verirəm.
Allah rəhmət eləsin!

Etikxeber.az