Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Milli Məclisin (MM sədr müavini Bahar Muradaova cəbhə xəttindədir.
Etikxeber.az-a verilən məlumata görə, MM-in sədr müavini, İnsan hüquqları komitəsinin sədri Bahar Muradova son günlərdə cəbhə bölgəsində yaranmış vəziyyətlə bağlı fevralın 27-də Füzuli rayonuna səfər edib. B. Muradova Fizuli rayon İcra Hakimiyyətinin (RİH) başçısı Alı Alıyevlə görüşüb və rayondakı ictimai-siyasi vəziyyət, eyni zamanda, cəbhə xəttində yaranmış durumla bağlı məlumat alıb.
Cəbhə bölgəsində olan Milli Məclisin vitse-spikeri RİH başçısı ilə bir sıra tədbirlərdə iştirak edib.
B.Muradova təmas xəttinə yaxın Qazaxlar kəndində yerli əhali ilədə görüşüb. Onların vəziyəti ilə yerində tanış olan B. Murdova kənd sakinləri ilə görüşündə ölkə başçısının həyata keçirdiyi islahatlar, onun nəticələri, həmçinin, Ermənistan-Azərbaycan münaqişəsinin həlli istiqamətində aparılan danışıqlar prosesi haqqında geniş məlumat verib.
***
“Təmas xəttinə yaxın ərazilərdə yaşayan insanlar cəbhədə baş vermiş son hadisələri Ermənistanın Azərbaycan ərazisində olan təcavüzkar qoşunlarının təxribatçı hərəkətləri kimi qəbul edirlər”.
Bunu isə B. Muradova mətbuata açıqlamasında deyib.
B.Muradova son hadisələrin həmin ərazilərdə yaşayan əhali arasında hər hansı təlaşın yaranmasına səbəb olmadığını da açıqlayıb:
“İnsanlar həmişəki kimi gündəlik həyatlarını sürürlər. Əhali yüksək əhval-ruhiyyədədir, həyəcansız, təlaşsız yaşayırlar və burada real həyat var. Əhali Azərbaycan Ordusunun qüdrətinə güvənərək bu ərazidə yaşayır və Ali Baş komandana, onun rəhbərliyi ilə Ordunun Azərbaycan vətəndaşlarının təhlükəsizliyinin təmin edəcəyinə inanırlar”.
B.Muradovanın sözlərinə görə, təmas xəttinə yaxın bölgələrdə insanlar artıq neçə illərdir ki, gərginliklə müşahidə olunan həyat sürməkdədirlər. Ona görə də hansısa bir hadisə onların təlaşa düşməsinə şərait yaratmır:
“Ordumuz istənilən təzyiqin qarşısını alır və düşmənə ciddi zərbələr vurur. İnsanlar da əmindirlər ki, Azərbaycan Ordusu düşmənin istənilən təzyiqinin qarşısını almağa qadirdir”.
Etikxeber.az
