İrandan qayıdan üç Azərbaycan vətəndaşında koronavirusa yoluxma qeydə alınıb-OPERATİV QƏRARGAH

İran İslam Respublikasından qayıdan Azərbaycan Respublikasının üç vətəndaşında koronavirus infeksiyasına yoluxma faktı qeydə alınıb.

Etikxeber.az-ın xəbərinə görə, bu barədə mətbuata Nazirlər Kabineti yanında Operativ Qərargahdan məlumat verilib.

Onlardan biri, 1938-ci il təvəllüdlü vətəndaş İrandan qayıtdıqdan bir müddət sonra səhhətində yaranmış problemlə əlaqədar xəstəxanaya müraciət edib. Müayinə zamanı onda pnevmoniya müəyyən edilib, laborator analiz isə koronavirus infeksiyasına yoluxma faktını təsdiqləyib. Hazırda pasiyentin vəziyyəti kafidir.

Digər iki şəxs – 1993-cü və 1994-cü il təvəllüdlü, İranın Qum şəhərində təhsil alan tələbələr İran-Azərbaycan sərhədini keçərkən karantinə alınıb və müayinə zamanı onlarda da koronavirus infeksiyası aşkarlanıb. Onların səhhəti normaldır, hərarətləri yoxdur, vəziyyətləri kafidir.

Xüsusi rejimli xəstəxanalara yerləşdirilən hər üç pasiyentin müalicəsi ilə bağlı müvafiq tədbirlər həyata keçirilir.

Etikxeber.az

Read Previous

Tanınmış həkim və yazıçı Firəngiz Rüstəmovanın iki kitabının-TƏQDİMATI – FOTOLAR

Read Next

“Daha bir gəncin yarım qalmış ömrü…” – JALƏ ƏLİYEVA ŞƏHİD ORXAN PAŞAZADƏDƏN YAZDI

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir