Kənd camaatı özü Ağalıkənddə Şəhidlər üçün xatirə kompleksi inşa edir-BU HAQDA DEPUTAT MƏLUMAT VERDİ

44 günlük müharibənin ən ciddi nəticələrindən biri də ölkədə milli həmrəylik, milli birliyin daha da möhkəmləmdirilməsi oldu. Bu gün bu birlik ruhuna Biləsuvar rayonu Ağalıkənd kəndində bir daha şahid oldum. Kənd sakinləri imkanlarını birləşdirərək, müvafiq strukturlarla da razılaşdırmaqla kəndin mərkəzində şəhidlər üçün xatirə kompleksi inşa edir.

Etikxeber.az-ın xəbərinə görə, bu haqda Biləsuvarı parlamentdə təmsil edən millət vəkili Bəhruz Məhərrəmov bildirib.

Qeyd edib ki, fəhləsi də, ustası da özləri.

“Çox qürurverici bir mənzərə idi. İşin gedişatına, insanlardakı şövqə baxanda, kifayət qədər də zövqlü, Ağalıkənd şəhidlərinin adına layiq bir kompleks olacağı indidən şübhə doğurmur. Tikinti meydançasında xatirə şəkili çəkdirdik, qərarlaşdıq ki, inşallah abidənin açılışını da birlikdə edək”-deyə, o, əlavə edib.

Etikxeber.az