“Kəpəz”-in yoxlama oyunlarındakı rəqibləri müəyyənləşib

Gəncənin “Kəpəz” futbol komandasının qış təlim-məşq toplanışı müddətində keçirəcəyi yoxlama oyunlarındakı rəqibləri müəyyənləşib.

Kluban Etikxeber.az-a bildiriblər ki, iki günə dörd yoxlama matçına çıxacaq komanda Premyer Liqa və birinci divizion klubları ilə qarşılaşacaq.

“Sarı-göylər” yanvarın 17-də MOİK və AZAL klubları ilə üz-üzə gələcək. Yanvarın 19-da Nizami yurdunun təmsilçisi “Qaradağ Lökbatan” və “Zirə” ilə oynayacaq.

“Zirə”yə qarşı görüş rəqibin meydançasında keçirilsə də, digər matçlar “Dalğa Arena”da oynanılacaq.

Gəncə klubu iki fərqli heyətlə yoxlama matçlarına çıxacaq.

Etikxeber.az