Kobud səhv və “Liverpul”un ardıcıl dördüncü qələbəsi – FOTO

İngiltərə Premyer Liqasının dördüncü turuna “Lester Siti” – “Liverpul” oyunu ilə start verilib.

Etikxeber.az xəbər verir ki, sentyabrın 1-də “Kinq Pover” stadionunda keçirilmiş qarşılaşmada “Liverpul” klubu 1:2 hesablı qələbə qazanıb.

Görüşün 10-cu dəqiqəsində qonaqlar hesabı açıblar. Sol cinahdan hücuma keçən və iki müdafiəçisini geridə qoyan Andi Robertson topu cərimə meydançasında olan Sadio Maneyə ötürüb. Seneqallı hücumçu bu fürsəti əldən verməyib.

liverpul

Birinci hissənin sonlarında “Liverpul” klubu meydan sahiblərini ikinci dəfə oyunu mərkəzindən başlamağa məcbur edib. Ceyms Milnerin künc ötürməsini braziliyalı Firminyo dəqiq baş zərbəsi ilə tamamlayıb.

Matçın 63-cü dəqiqəsində “Lester Siti” qollardan birinin əvəzin çıxa bilib. Alison Beykerin müdafiədə kobud səhvindən sonra Raçid Gezzal topu “Liverpul”un qapısından keçirib. Bu oyunda sonuncu qol olub.

Ardıcıl dörd qələbə qazanan Yurqen Klopun yetirmələri 12 xalla turnir cədvəlinin birinci pilləsində qərarlaşıblar. “Lester Siti” isə 6 xalla yeddinci yerdədir.

Qeyd edək ki, Premyer Liqanın dördüncü turunun maraqlı qarşılaşmalarından biri bu gün “Mançester Siti” və “Nyukasl Yunayted” komandaları arasında keçiriləcək.

Etikxeber.az

Read Previous

7 azərbaycanlı dünya reytinqində ilk 100 şahmatçının arasında yer aldı

Read Next

Qadın qarşısına çıxanlarının qanını axıtdı – 1 nəfər öldü, 3 nəfər yaralandı – İTALİYADA

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir