Külli miqdarda siqaret aşkar olunub

Gömrük nəzarətindən gizlədilən 4000 ədəd siqaret aşkar olunub.

Dövlət Gömrük Komitəsindən Etikxeber.az-a verilən məlumata görə, Tovuz Gömrük İdarəsinin “Sınıq Körpü” gömrük postunda Gürcüstan Respublikasından Azərbaycan Respublikasına idxal sərnişin xətti ilə gələn Azərbaycan vətəndaşının əl çantalarına baxış zamanı həmin çantalarda gömrük nəzarətindən gizlədilən 4000 ədəd “Parliament” adlı siqaret aşkar olunub.

Faktla bağlı araşdırma aparılır.

Etikxeber.az