Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
BATE ilə görüşdə məğlub olmaq istəməzdik. Amma bu, hələ birinci oyundur. Qarşıda bizim daha 90 dəqiqəmiz var.
Etikxeber.az xəbər verir ki, bunu Ağdamın “Qarabağ” komandasının baş məşqçisi Qurban Qurbanov UEFA Çempionlar Liqasının III təsnifat mərhələsində Belarusun BATE klubu ilə görüşdən sonra keçirilən mətbuat konfransında deyib.
Cavab matçına daha yaxşı hazırlaşacaqlarını vurğulayan baş məşqçi ilk oyunda futbolçularda bir qədər həyəcan olduğunu vurğulayıb:
“Buna baxmayaraq, futbolçular ikinci hissə daha yaxşı oynadılar. Rəqib təcrübəli komanda idi. Cavab oyununda daha yaxşı çıxış edəcəyimizə inanıram. Amma heyətdə ciddi dəyişiklik olacağını düşünmürəm. Futbolçuların durumuna görə qərar verəcəyik. Futbolda bəzən ilk, bəzən də ikinci hissədə çətin olur. Rəqib ilk hissədə hücumlardan səmərəli istifadə etdi”.
Qeyd edək ki, UEFA Çempionlar Liqasının 2018-2019-cu il mövsümünün üçüncü təsnifat mərhələsi çərçivəsində “Qarabağ” – BATE oyunu 1:0 hesabı ilə belarusların xeyrinə başa çatıb.
Etikxeber.az
