Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Şəhid övladı Cavid Cabir oğlu Hüseynzadə ilə onlayn formatda görüşümüz oldu. Cavidin qayğıları ilə maraqlandıq, söhbət əsnasında aydın oldu ki, ailəsi illərdir haqsızlığa məruz qalmış, hələ də mənzil növbəsinə salınmamışdır. Şəhid oğlunun dediyinə görə hətta müəyyən zamanlarda hansısa cılız məqsədlər naminə ayrı-ayrı məmurlar atasının şəhidliyini belə danmağa cəhd etmiş, növbəyə salınması üçün onlardan maddi maraq güdülmüşdür.
Etikxeber.az xəbər verir ki, bunu millət vəkili Bəhruz Məhərrəmov deyib.
Qeyd edib ki, hazırda şəhidin həyat yoldaşı, oğlu və oğlunun ailəsinin ciddi mənzil sıxıntısı vardır.
“Məsələni nəzarətə götürərək, yerli və yuxarı orqanlarda problemin araşdırılmasına və həllinə çalışacağıq. Nəzərinizə çatdırım ki, şəhid Hüseynov Cabir Soltan oğlu15 fevral 1994-cü ildə Azərbaycanın ərazi bütövlüyü uğrunda gedən döyüşlərdə qəhrəmancasına şəhid olmuşdur. Görüşümüzə gələn Cavid isə şəhidin yeganə övladıdır”-deyə, o, əlavə edib.
Etikxeber.az
