Məşhur “91-lər”-dən olan-ƏLİŞİR MUSAYEV VƏFAT ETDİ…

Səhiyyə Nazirliyinin Elmi-Tədqiqat Tibbi Bərpa İnstitutunun direktoru Əlişir Musayev vəfat edib.

Etikxeber.az xəbər verir ki, Ə. Musayev 71 yaşında dünyasını dəyişib.

Qeyd edək ki, Əlişir Veys oğlu Musayev 1949-cu ildə Gürcüstan Respublikasının Başkeçid rayonunun Qızılkilsə kəndində anadan olub.

Ə. Musayev ATU-nun fizioterapiya və tibbi reabilitasiya kafedrasının müdiri, t.e.d., professor, Rusiya Tibb Elmləri Akademiyasının fəxri doktoru, Azərbaycan Milli Elmlər Akademiyasının müxbir üzvü olub.

2017-ci ildə Azərbaycan Respublikasının Prezidenti İlham Əliyevin sərəncamı ilə “Tərəqqi” medalı ilə təltif edilib. 2019-cu ildə Azərbaycan Respublikasının ictimai-siyasi həyatında fəal iştirakına görə 3-cü dərəcəli “Əmək” ordeni ilə təltif olunub.

O, həm də məşhur “91-lər”dən, ilk YAP-çılardan və hakim partiyanın Siyasi Şurasının üzvlərindən olub.

Allah rəhmət etsin!

Etikxeber.az