Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Bu gün-9 noyabr tarixində daha bir neçə Şəhid ailəsində oldum…
Daha bir neçə Şəhid ocağına və məzarına baş çəkdim…
Daha bir neçə Şəhid ailəsi ilə bir araya gəldim…
Öncə Qəhrəman Goranboyumuzun Muzdurlar kəndinin iki İkinci Vətən Müharibəsi Şəhidindən biri, üç övladı Vətənə əmanət qalan, ali hərbi təhsilli-peşəkar hərbçi, Mayor Əlövsət Əli oğlu Məmmədovun Anım Günü mərasiminə qatıldım…
Goranboy və Naftalanlı Şəhid ailələri birlikdə əvvəlcə Şəhidimizin ocağını, ailəsini, valideynlərini-anası Xalidə xanımı, atası Əli Məmmədovu, həyat yoldaşı Rahinə Məmmədovanı, sonra isə Muzdurlar kənd qəbiristanlığındakı məzarını ziarət etdim…
Məzarı və ruhu qarşısında ehtiramla baş əydim…
Müqəddəs ruhuna dualar etdim…
Məzarını ziyarətdən sonra Şəhidin ocağında təşkil edilən Anım məclisinə qatıldım…
***
Daha sonra Xoylu kəndindən olan Şəhid Orxan Namazovun anası Nailə Namazova ilə birlikdə həmin kəndin üç İkinci Vətən Müharibəsi Şəhidindən biri, evin-ailənin tək oğlu, tək bacının tək qardaşı, bir oğlan övladı Vətənə əmanət qalan Baş leytenant Elgün Fuad oğlu Xıdırovun ocağına, ailəsinə baş çəkdim…
Bu yerdə qeyd edim ki, Şəhidimizin bir neçə gün öncə, noyabr ayının 1-də Anım Günü olmuşdu…
Amma bəzi səbəblərdən Şəhidimizin Anım Günü mərasiminə qatıla bilməmişdim…
Və bu gün Şəhidimizin ocağını ziyarət edərək, bir daha ailəsinə-tək oğullarını Şəhid vermiş Xumar xanıma və Fuad Xıdırova, həyat yoldaşına və tək bacısına Allahdan səbr və dözüm arzuladım…
Bir daha “Şəhidimizin məkanı cənnətlik, məqamı Uca olsun!”-dedim…
Bir daha bir ömür boyu Elgün də daxil olmaqla, Şəhidlərimizə, onları bu Vətən üçün yetişdirən valideynlərə borclu olduğumu söylədim…
Və ailə üzvləri birlikdə Şəhidimizin Xoylu kənd qəbiristanlığındakı məzarını ziyarət etdim…
Məzarı və ruhu qarşısında baş əydim…
Bununla yanaşı, ailənin iki oğlan övladından biri, subay, Şəhid Orxan Namazovun və ailənin tək oğlu, tək bacının tək qardaşı Şəhid Nemət Faxrəddin oğlu Məmmədovun məzarlarını ziyarət və ruhlarına dualar etdim…
Hər birinin ruhu şad olsun!
Hər biri Nur içində yatsın!
***
FOTOLAR:
***
Kamil HƏMZƏOĞLU (HƏMİDOV)
Etikxeber.az
