“Mi-8” helikopterinin qəzaya uğraması nəticəsində 6 nəfər ölüb – RUSİYADA

Rusiyanın Xabarovsk şəhərində “Mi-8” tipli helikopterin qəzaya uğraması nəticəsində 6 nəfər ölüb.

Etikxeber.az-ın Rusiya mətbuatına istinadən verdiyi xəbərə görə, insident yerli vaxtla 11.30-da (Bakı vaxtı ilə 05.30-da) baş verib.

İlkin məlumata görə, qəza nəticəsində helikopterin göyərtəsində olan 6 şəxs ölüb. Hadisə yerində yanğın baş verdiyi bildirilir.

Hadisə yerinə müvafiq qurumların əməkdaşları cəlb edilib.

Etikxeber.az