Şəhid və Qazi adını kirləməyin, kirlətməyin! AYIBDIR!!!-KAMİL HƏMZƏOĞLU YAZDI
Ötən il Avropa İttifaqı “Avropa Sülh Mexanizmi” çərçivəsində Ermənistana 10 milyon avro hərbi yardım ayırmış, bu il isə bu yardımı ikiqat artıraraq 20 milyon avroya çatdırmışdır. Bu fakt, bir tərəfdən sülh fondu adı ilə Ermənistanı müharibəyə hazırlayan Avropa İttifaqının siyasi riyakarlığını göstərirsə, digər tərəfdən Ermənistanın sülh və barış haqqında səsləndirdiyi bəyanatların nə qədər qeyri-səmimi olduğunu bir daha təsdiqləyir.
Etikxeber.az xəbər verir ki, bunu millət vəkili Azay Quliyev deyib.
Onun sözlərinə görə, ancaq təqdirəlayiq haldır ki, bizə dost ölkə olan Macarıstanın prinsipial mövqeyi və vetosu nəticəsində Avropa İttifaqının bu rəzilliyi baş tutmayıb.
“Belə ki, Macarıstan Avropa İttifaqının Ermənistana əlavə hərbi yardım ayırmasına qarşı çıxaraq haqlı olaraq bəyan etdi ki, eyni məbləğdə vəsait Azərbaycanın mina təmizləmə fəaliyyətinə də yönəldilməsə, bu qərarın təktərəfli icrasına imkan verməyəcək.Macar dostlarımızın bu ədalətli və eyni zamanda cəsarətli addımını yüksək qiymətləndirir, onlara təşəkkürümü bildirirəm”-deyə, o, əlavə edib.
Etikxeber.az
