Millət vəkilinin növbəti qəbulunda-NƏLƏR DİLƏ GƏTİRİLDİ? – FOTOLAR

Milli Məclisin (MM) 50 saylı Abşeron-Qobustan Seçki Dairəsi üzrə deputatı Şahin Seyidzadə Qobustan rayon Heydər Əliyev Mərkəzində Qobustan rayon sakinləri üçün fərdi vətəndaş qəbulu keçirib.

Etikxeber.az-ın xəbərinə görə, Bədəlli, Nabur və Sündü kəndləri, həmçinin Qobustan şəhərindən olan 20-dən artıq sakinlə keçirilən fərdi vətəndaş qəbulunda kommunal xidmətlər, infrastruktur, məşğulluq, hüquq, torpaq, əmlak, sosial təminat və sağlamlıq məsələləri ətrafında müraciətlər səsləndirilib.

Qeyd edək ki, deputat Şahin Seyidzadə tərəfindən 2021-ci ilin yanvar ayında Qobustan rayonunun Cəyirli və Təklə kəndlərində, həmçinin Abşeron rayonunda səyyar formada fərdi vətəndaş qəbulları həyata keçirilib.

Etikxeber.az