Milli Məclisin iclasından öncə-YAP-ÇI DEPUTATLARIN SABAH QAPALI TOPLANTISI KEÇİRİLƏCƏK, SON QƏRAR VERİLƏCƏK…- ÖZƏL

6-cı çağırış Milli Məclisin (MM) sabah baş tutacaq ilk iclasından öncə hakim partiyanı təmsil edən deputat korpusunun qapalı toplantısı keçiriləcək.

Etikxeber.az-a daxil olan məlumata görə, Yeni Azərbaycan Partiyasını (YAP) 6-cı çağırışda təmsil edən 70 millət vəkili hakim partiyanın mənzil-qərargahında bir araya gələcək.

İclasda YAP sədrinin müavinləri, partiyanın İcra katibi və onun müavinləri, həmçinin, 70 millət vəkili iştirak edəcək.

Səhər saat 9-da başlayacaq iclas mətbuat üçün qapalı keçkiriləcək.

İclasda MM-in yeni rəhbərliyinə namizədlərin müəyyənləşdirilməsi, irəli sürülməsi müzakirə olunacaq və son qərar veriləcək.

MM-in rəhbərliyinə ən azı 3 YAP-çının namizədliyi irəli sürüləcək.

Yəni, bu dəfə də MM-in sədri, birinci vitse-spiker və vitse-spikerlərdən (sabir vitse-spiker Bahar Muradovanın yerinə) biri YAP-çı millət vəkillərindən olacaq.

Spikerliyə növbəti dəfə Oqtay Əsədovun ( Əli Hüseynlinin də adı çəkilir), birinci vitse-spikerliyə yenə Ziyafət Əsgərovun, vitse-spkerliyə isə sabiq komitə sədri Hicran Hüseynovanın və ya başqa bir YAP-çı xanım deputatın-professor Sahibə Qafarovanın namizədliklərinin irəli sürülməsi və onların MM-in ilk plenar iclasında seçilməsi gözlənilir.

Bununla belə, digər versiyalar da mövcuddur…

Etikxeber.az

Read Previous

3 YAP-çı deputat-HÜSEYNOVA VƏ MƏMMƏDOVLAR VƏZİFƏLƏRİNDƏN GETDİLƏR – SƏRƏNCAMLAR – YENİLƏNİB

Read Next

“Bir şəhid anasının ah-naləsini, atasının çəkdiyi əzab hissini sözlərlə ifadə etmək çox çətindir…” – FATMA YILDIRIM – FOTOLAR

Leave a Reply

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir