“Milli Məclisin plenar iclaslarından biri Şuşada keçirilsin”-AYDIN MİRZƏZADƏDƏN MARAQLI TƏKLİF

Bu idimi qurmaq istədiyiniz “dövlət? Bu idimi dünyaya nümayiş etdirmək istədiyiniz düşüncə, mədəniyyət?

Etikxeber.az xəbər verir ki, bunu millət vəkili Aydın Mirzəzadə parlamentin bugünkü iclasında deyib.

Millət vəkili çıxışında parlamentin komitə iclaslarının Şuşa şəhərində keçirilməsini alqışlayıb və deputatların adıçəkilən şəhərə səfərindən danışıb.

“Keçmiş cəbhə xəttinə yaxın bölgələrdə illərdir əməlli-başlı abadlıq-quruculuq işləri, əkin-biçin mövcud olub. Amma köhnə cəbhə xəttindən o tərərdə, vaxtilə işğal olunmuş yerlərdə, erməni işğalında olmuş ərazilərdə, o cümlədən Qarabağda ermənilərin özlərinin kompakt yaşadılğı yerlərdə heç nə olmayıb, təzə heç nə yoxdur. Bir dənə təzə tikili gözə dəymirdi, bir dənə rənglənmiş bina yoxuydu. Şuşa şəhərində işğal müddətində bir dənə təzə tikilmiş binaya rast gəlmədik. Bu idimi qurmaq istədiyiniz “dövlət? Bu idimi dünyaya nümayiş etdirmək istədiyiniz düşüncə, mədəniyyət?”-deyə, millət vəkili sözlərinə əlavə edib.

O, eyni zamanda təklif edib ki, parlamentin komitə iclasları vaxtaşırı Şuşa şəhərində keçirilsin.

Eyni zamanda, MM-in plenar iclaslarından biri Şuşada reallaşdırılsın.

Kamil HƏMZƏOĞLU (HƏMİDOV)

Etikxeber.az