Mingəçevirli Antiterror Şəhidi Cahangir Tağızadə və tək-nişanlı qardaşı, faciləli şəkildə dünyasını dəyişən Elvin Tağızadənin-CƏNNƏTDƏKİ İLK DOĞUM GÜNLƏRİNDƏ MƏZARLARI ZİYARƏT EDİLDİ, ADLARINA MƏCLİS TƏŞKİL OLUNDU… – FOTOLAR – YENİLƏNİB – (1)

Əslən Kəlbəcərli, özü isə Mingəçevirli olan Antiterror Şəhidi Cahangir Qurban oğlu Tağızadənin bir müddət öncə faciləli şəkildə dünyasını dəyişən 25 yaşlı, nişanlı-tək qardaşı Elvin Tağızadənin doğum günüdür.

Bu gün Elvin Tağızadənin 25 yaşı tamam olur.

Qeyd edək ki, Şəhid Cahangir Tağızadənin Cənnətdəki ilk doğum günü-20 yaşı qardaşı Elvin Tağızadənin 40 mərasimi ərəfəsinə, may ayına təsadüf etdiyi üçün qeyd olunmamış, adına məclis düzənlənməmişdi.

Odur ki, Şəhidin ailəsi hər iki qardaşın doğum günü mərasimini bu gün-Elvin Tağızadənin 25 yaşının tamam olduğu gün keçirirlər.

Etikxeber.az xəbər verir ki, bu gün 17:00 radələrində öncə Elvin Tağızadənin Mingəçevir şəhərində yeləşən “Əli qəbiristanlığı”ndakı məzarı ziyarət olunub.

Məzarı üzərinə gül dəstələri düzülüb, ruhuna dualar edilib, “Quran” oxunub.

Təxminən 40 dəqiqə çəkən ziyarətdən sonra Şəhid Cahangir Tağızadənin Mingəçevir şəhər Şəhidlər Xiyabanındakı məzarı ziyarət edilib.

Məzarı üzərinə gül dəstələri düzülüb, əklil qoyulub.

Ruhuna dualar edilib, “Quran” oxunub.

https://etikxeber.az/144599-2/

Şəhidin və qardaşının məzarlarını ziyarətdən sonra Mingəçevirdə yerləşən “Xarı bülbül” şadlıq sarayında məclis düzənlənib, adlarına ehsan verilib.

Məclisdə Şəhidlərin xatirəsi bir dəqiqəlik sükutla yad olunub, Dövlət himni səsləndirilb.

Bir daha Tağızadə qardaşlarının ruhlarına dualar edilib.

Videoçarx nümayiş etdirilib.

Çıxışlar olunub.

Həm Şəhid Cahangir Tağızadənin, həm də qardaşı Elvin Tağızadənin qısa, lakin şərəfli ömür yollarından bəhs olunub, valideynlərinə-anası Şərafət xanıma və atası Qurban kişiyə Allahdan səbr və dözüm arzulanıb.

Eyni zamanda, hər iki qardaşın Cənnətdəki ilk doğum günləri-20 və 25 yaşları təbrik olunub.

Tağızadə qardaşlarının valideynləri də belə bir gündə onların yanında olduqları üçün hər kəsə-ziyarət və məclis iştirakçılarına minnətdarlıqlarını ifadə ediblər.

Övlad-oğul dərdinin nə qədər ağır və dözülməz olduğunu desələr də, hər iki övladları ilə Fəxr etdiklərini, Qürur duyduqlarını bildiriblər.

Məclisdə Şəhidin-Tağızadə qardaşlarının valideynlərinə Mingəçevirli Şəhid ailələri və rəssam Yaqut Həsənova tərəfindən hədiyyələr də təqdim olunub.

Məclisdə həmçinin, Şəhidə, Şəhidlərə, Vətənə həsr olunmuş şeirlər və musiqilər səsləndirilib.

Daha sonra Tağızadə qardaşlarının doğum günləri ilə bağlı hazırlanmış tort kəsilib.

Xatırladaq ki, Tağızadə qardaşlarının məzarlarını ziyarətdə və Cənnətdəki ilk doğum günləri ilə bağlı məclidə ailə üzvləri, yaxınları, Mingəçevir, Bərdə, Tərtər, Gəncə, Goranboy və digər bölgələrdən olan Şəhid ailələri, hərbçilər, Qazilər, din xadimləri, Mingəçevir şəhər və Kəlbəcər rayon İcra hakimiyyətlərinin məsul şəxsləri iştirak ediblər.

Məkanları cənnətlik, Cənnətdəki ilk doğum günləri mübarək olsun!

Nurlar içində yatsınlar!

20:00

***

FOTOLAR: