MM-in növbəti-beşinci iclası – NƏ VAXT KEÇİRİLƏCƏK?

Milli Məclisin (MM) növbəti-beşinci plenar iclasının dəqiq vaxtı, nə vaxt keçiriləcəyi bilinmir.

Bu haqda Etikxeber.az-a MM-dən bildirilib.

Qeyd edilib ki, iclasla bağlı qərar parlament rəhbərliyi tərəfindən veriləcək.

O da qeyd edilib ki, koronavirus pandemiyasına və qanunvericiliyə edilən dəyişikliyə görə, beşinci iclas (eləcə də, digər bir neçə iclas) onlayn keçirilə bilər.

Qeyd edək ki, MM-in Daxili Nizamnaməsinə əsasən, MM-in 5-ci iclasında hökumətin hesabatı dinlənilməlidir, ancaq hökumətin hesabatı qeyri-müəyyən müddətə təxirə salınıb.

Bu səbəbdən də, 5-ci iclasda komitələr tərəfindən tövsiyə edilən qanun layihələrinə baxılması gözlənilir.

Etikxeber.az